کابل یشاوچیلریدن قطاری ایسکیرگن پوللر نینگ کوپه‌یشی‌دن شکایت قیلیب و ایتیش‌لریچه، مذکور وضعیت سودا-ساتیق خصوصیده اولر نی کوپینچه قیینچیلیک بیلن روپه‌ره قیلگن.
کابل نینگ شهر‌نوی‌ده‌گی دوکان‌دارلردن بیری شهنواز، بازارده ایسکیرگن پوللر نینگ کوپه‌یگنیدن شکایت قیلیب و ایتیشیچه، اوشبو کونلر سودا_ساتیق ده مشتری‌لری بیلن جنجل‌لشه‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «شونچه هم ایسکیرگن پوللر کوپه‌یگن که، بعضی‌لری نینگ حتی یریمی یوق یا-ده بیر تامانی یانگن. مشتری‌لر گه ایسکیرگن پول بیرگنی‌میز پیتده، کوپ جنجل قیلیب و آلمه‌یدیلر. دوکان نینگ فایده‌سی نی ایسکیرگن پول‌لرده تلف قیله‌میز. دولت‌دن بازار گه ینگی پوللر نینگ چیقیشی نی ایسته‌یمیز.»
شونینگدیک کابل شهری‌ده‌گی صراف‌لردن بیری بازارده ایسکیرگن پوللر کوپه‌یگنیدن شکایت قیلیب و ایتیشیچه، کونده المشتیره‌دیگن پول‌لردن کوپینچه‌سی نی ایسکیرگن پوللر تشکیل بیره‌دی و شونینگدیک اولر نی تبدیل قیلیش اوچون بانککه بارگنی پیتده، کوپینچه قیینچیلیک بیلن روپه‌ره بوله‌دی.
عین حالده، اقتصادی مسئله‌لر بیلرمانی جبار صافی، ایسکیرگن پوللر خصوصیده خواطر بیلدیریب و ایتیشیچه، بازار گه ینگی پوللر چاپ بولیب کیلمه‌گنی صورت‌ده، بازار‌لرده خارجی پوللر نینگ رایج بولیشی ممکن.
اونینگ کوپه‌یتیریشیچه: «افغانستان گه کیلگن ینگی پوللر حاضرگچه بازار ده ترقه‌تیلمه‌گن چونکه، افغانی قیمت‌لر‌ده سلبی اثر قویمه‌یشی اینیقسه افغانی پول ارزشی نی قولدن بیرمه‌یشی اوچون مرکزی بانک بیر میکانیزم اساسیده اونی ترقه‌تماقچین. اوشبو ینگی پوللر افغانستان نینگ بوتون ولایت‌لریده توزیع بولمه‌گنی صورت‌ده، مارکیت‌ده خارجی پوللر نینگ کیلیشی ممکن.»
شونده‌ی بیرحالده، افغانستان مرکزی بانک مسئوللری بازار گه ینگی پوللر نینگ توزیع بولیش زمانی نی بیللی قیلمه‌ی ایتیش‌لریچه، مذکور پوللر خاص بیر طریقه اساسیده، بازار گه ترقه‌تیلیشی ممکن.
بیزلرنینگ توییترده هم تعقیب قیلینگ!
مذکور بانک سوزلاوچیسی حبیب نوری نینگ ایتیشیچه: «افغانستان مرکزی بانک، پولی معقول سیاست‌لر نی نظر گه آلیب و بیللی بیر طریقه اساسیده، بازاردن ایسکیرگن پوللر نی توپلب و اونینگ اورنیده ینگی پوللر نی ترقه‌تیشی ممکن.»
شونده‌ی بیرحالده، مملکت بازارلریده ایسکیرگن پوللر کوپه‌یشی خصوصیده یشاوچیلر نینگ شکایتی دوامی‌ده، افغانستان مرکزی بانک، ایکی یریم آی آلدیم چاپ بولگن ینگی پوللر نی بازار گه ترقه‌تیشی نی بیان قیلگن ایدی.
