کابل شهریده غلتک هیداوچیلردن قطاری نادارلیک و قشاق‌لیک‌دن شکایت قیلیب و ایتیش‌لریچه، بیر هفته‌ده نیچه کیچه آچ یاته‌دیلر.
کابل یشاوچیلریدن عبدالرحمان، کونده بیر لقمه نان تاپیش اوچون ساووق هوا‌ده غلتک هیده‌ب سرک‌لرده یوریدی. اونینگ ایتیشیچه، ایش تاپه آلمه‌یشی طفیلی، شام چاغی بوش قول بیلن اوی گه باریش گه مجبور بوله‌دی.
بیزلرنینگ فیسبوک صحیفه‌میزگه باش اورینگ!
عبدالرحمان آلتی کیشی‌لیک بیر عایله نینگ نان کیلتیرووچی‌سی دیر. اونینگ کوپه‌یتیریشیچه، ایش تاپه آلمه‌ی و کیچه ایسه برچه عایله‌سی بیلن آچ یاتیش گه مجبور دیر.
اونگه کوره: «بعضی کون‌لرده ایش تاپیله‌دی و ۵ نان نینگ پولی نی تاپه آلمه‌من؛ بیراق بعضی کون‌لر ایسه غلتک و موتر کرایه‌سی هم تاوان بوله‌دی. نیچه نیبره‌م بار، پولیم بار کونی بازار‌دن بیران نرسه آله‌من و اولر هم خوش بوله‌دیلر و بعضی کون‌لر پول تاپه آلمه‌ی و نرسه آلیب بارمه‌گنیم صورت‌ده، جگرخون بوله‌دیلر.»
شونده‌‌‌ی بیرحالده، کابل یشاوچیلریدن باشقه بیری جمشید، عایله نیازلری نی تامین قیلیش اوچون غلتک بیلن شهر گه باره‌دی و یوک تاشوو‌چیلیک قیله‌دی. او نادارلیک و قشاق‌لیک‌دن شکایت قیلیب و ایتیشیچه، بعضی کون‌لر شهر‌دن اوی گه بارگنی پیتده، باله‌‌لری اونی بوش قول بیلن کورمه‌‌یشی اوچون نانوای‌خانه‌دن نان قرض آلیش نی ایسته‌گن؛ بیراق نانوای‌خانه‌لردن هیچ بیری اوشبو همکارلیک اوچون حاضر بولمه‌گن.
بیزلرنینگ توییترده هم تعقیب قیلینگ!
عین حالده، کابل یشاوچیلریدن باشقه بیری اوی و عایله‌سی نینگ نیازلری نی غلتک بیلن ایش‌لش یولی‌دن تامین‌له‌یدی. اونینگ سلام‌وطندار گه ایتیشیچه: «بسته هفته‌ده ایشی‌میز یوق و هفته‌ده بیر کون یا-ده یریم کون ایش تاپیله‌دی خلاص.»
بیر یریم ییل‌دن بیری نادارلیک و قشاقلیک سانی کوپه‌‌یشی بیر حالده، کابل شهری‌ده‌گی غلتک هیداووچیلر ایشسیزلیک و نادارلیک‌دن شکایت قیله‌دیلر. یاردم بیرووچی تشکیلات‌‌لر نینگ معلوماتی اساسیده، حاضر ایسه افغانستان یشاوچیلریدن ۹۷ فایزی قشاقلیک چیزیغی آستیده قرار تاپگن و مملکت نینگ جمعیتی‌دن ۵۵ فایز‌دن آرتیغی ایسه حیات‌لری نی کیچیریش اوچون انسان‌دوست‌لیک یاردم‌لر گه نیازلر بار.
