تورکیه ایچکی ایشلر وزیری علی یرلیکایانینگ ایتیشیچه، اوشبو مملکت پولیسی استانبول بلدیهسی اکرم اماماوغلونینگ قولگه آلینگنیگه قرشی بیر مینگ ۱۳۳ اعتراضچینی قولگه آلگن.
علی یرلیکایا، ۴-حمل، دوشنبه کونی اوز اکس صحیفهسیده یازیشیچه، مذکور کیشیلر جاری ییل ۱۹دن ۲۳ مارچگچه ناقانونی فعالیتلر عیبی بیلن قولگه آلینگن.
جناب یرلیکایا، قولگه آلینگن کیشیلر آرهسیده ۱۲ ته ترورچیلیک تشکیلاتیگه تیگیشلی کیشیلر انیقلنگنینی بیان قیلگن.
بیزلرنینگ فیسبوک صحیفهمیزگه باش اورینگ!
علی یرلیکایانینگ کوپهیتیریشیچه، ناراضلیک نمایشلر جریانیده بو مملکتنینگ ۱۲۳ پولیسی یرهلنگن.
اونینگ اورغولشیچه، اعتراضچیلر یانیده، اسید، تاش، یاغاچ، آلاو بیرووچی مادهلر، کوکتل مولوتف، تبر و پیچاق کشف و ضبط بولگن.
گزارشلر اساسیده، تورکیه پولیسی اوتگن هفته چهارشنبه کونی، ۱۹-مارچ، استانبول بلدیهسی و رجب طیب اردوغاننینگ سیاسی رقیبی اکرم اماماوغلو، «فساد و ترورچیلیک بیر گروهگه یاردم بیریش» عیبی بیلن قولگه آلینگن.
تورکیه محکمهسی، اونینگ قولگه آلینیشینی تصدیقلهگن و بو حکم اساسیده، اماماوغلو حبس گه آلینگن.
بیزلرنینگ «ایکس» ترماغی ده هم تعقیب قیلینگ!
اکرم اماماوغلو، اونگه قرشی عیبنی رد قیلیب و اولرنی «سیاسی فکرلر» دیگن.
اماماوغلو، تورکیهنینگ حاضرگی جمهور باشلیغی رجب طیب اردوغاننینگ رقیبی صفتیده ۲۰۲۸-ییلده جمهورلیک ریاستی سیلاویگه اشتراک قیلیشی کوتیلماقده.
تورکیهنینگ جمهوریخواه خلق حزبی، اکرم اماماوغلونینگ قولگه آلینگنیدن کیین اونی کیلهسی جمهورلیک ریاستی سیلاویده بو حزب نامزدی صفتیده تانیشتیرگن.
