کابل یشاوچیسی ملک نینگ سلام‌وطندار گه ایتیشیچه، قربان هییت بیرمی کونلریده مهمان‌لرینی کوتیب آلیش خصوصیده هییت سفره‌سی گه قوروق و تازه میوه‌لر بیلن تورلی‌خیل شیرین‌لیکلرنی تیریش اوچون شهر گه سودا آلیش‌گه بارگن.
ملک نینگ کوپه‌یتیریشیچه: «ایناغه‌م، ارزان‌لیک بولگن که توار کوپه‌یگن. هییت کونلریده مهمان‌لریمیز نی کوتیب آلیش خصوصیده قوروق و تازه میوه بیلن شیرین‌لیک آلیش گه کیلدیم. برچه یشاوچی نینگ خوشلیگی نی ایسته‌یمن. حکومت‌دن هییت‌ده اهالی نینگ کوپراق ییغیله‌دیگن جایلر نینگ امنیتی آلینیشینی ایسته‌یمن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، عیال‌لردن قطاری نینگ ایتیشلریچه، قربان هییتی ییتیب کیلیشی بیلن هییت کونلریده مهمان‌لرینی کوتیب آلیش اوچون اوی‌لری نی تازه‌لب و بیزه‌لتیره‌دیلر.
شهر گه کییم ساتیب آلیش گه بارگن کابل یشاوچیسی ژاله نینگ ایتیشیچه: «هییت ییتیب کیلماقده و هییت اوچون تیارگرلیک آلدیم و شو رقم اوزیم و عایله‌م گه کییم ساتیب آلیش گه کیلدیم. هییت ییتیب کیلیشی‌ده بیز عیال‌لر اوی‌لریمیز نی تازه‌له‌یمیز.»
لیکن پایتخت یشاوچیلریدن قطاری نینگ ایتیشلریچه، کمبغل‌لر و یقین‌داشلری یانیده کم کیلمسلیک اوچون هییت میوه‌سیدن آزراق آلیش گه مجبورلر.
کابل یشاوچیلردن لطیف نینگ ایتیشیچه: «اوتگن هییت‌لرده بیرکیلوگرام و بیریریم کیلوگرام ساتیب آلیدیم و حاضر ایسه یریم یریم کیلوگرام هر قیسی‌دن آله‌من که مهمان‌لر یانیده آبرویم کیته‌سین، عکسینچه حالده کوچیم ییتیشمه‌یدی.»
بولر گه علاوه، کابل بازارلریده بیر کیلوگرام امریکایی بادام ۴۰۰ افغانی، بیر کیلوگرام پسته ۶۵۰ افغانی، بیر کیلوگرام یانغاق ۵۰۰ افغانی، بیر کیلوگرام مه‌ییز ۲۵۰ افغانی و بیر کیلوگرام سیمیان ایسه ۱۵۰ افغانی و شونینگدیک بیر کیلوگرام کلوچه و باشقه شیرین‌لیکلر ۱۵۰-۲۰۰ افغانی ساتیله‌دی.
عین حالده، کابل شهری مندوی‌سیده‌گی دکان‌دارلردن قطاری نینگ ایتیشلریچه، قربان هییتی ییتیب کیلیشی بیلن ایشلری یخشی بولگن.
بیزلرنینگ «ایکس» ترماغی ده هم تعقیب قیلینگ!
کابل شهری مندوی‌سیده‌گی دکان‌دارلردن فرید حسن‌زاده نینگ ایتیشیچه: «الحمد‌الله شکر، باشقه هییت‌لر گه قره‌گنده بو ییل جمع‌وجوش و ایشلر یخشی بولگن.»
ایتیش کیره‌ک که، سرپرست حکومت عالی محکمه نینگ اعلام قیلگنی اساسیده، کیله‌سی هفته دوشنبه کونی افغانستان ده قربان هییت بیرمی نینگ بیرینچی کونی دیر.
