قیش موسومی عرفه‌سیده، پایتخت یشاوچیلری کابل شهری ده هوا افلاس‌لنیشیدن خواطر بیلدیریب ایتیشلریچه، هر کون اوشبو شهر نینگ فضاسی افلاس‌لنیب، کسل‌لیکلر و تنفسی قیینچیلیکلر گه سبب بولگن.
کابل یشاوچیلریدن امیرمحمد نینگ سلام‌وطندار گه ایتیشیچه: «شهر هواسی افلاس‌لنگن و بو گَل هوا، تنفسی قیینچیلیک و ایریم کسل‌لیکلر گه سبب بولگن.»
عین‌حالده پایتخت یشاوچیلریدن بیرقطاری نینگ ایتیشلریچه، اهالی نینگ اقتصادی قیینچیلیگی باعث، صفت‌سیز ماده‌لردن قولنه‌دیلر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری عبدالقدیر گه کوره: «اهالی نادار و صفت‌سیز ماده‌لردن قولنیشگه مجبور دیر. یاغاچ و برق مصرفی کوپ.»
شو بیلن بیرگه کابل بلدیه مسئوللری نینگ ایتیشلریچه، هوا دغللیگینی کمه‌یتیریش اوچون ایریم برنامه‌لرنی نظرگه آلگنلر. اونینگ کوپه‌یتیریشیچه، نیچه آی دن بویان یوقاری قووتلی بنالر، حمام‌لر و دودلی بولگن منطقه‌لرده، هوانی فیلتر قیلیش اوسکونه قوندیرگنلر.
کابل بلدیه سوزلاوچیسی نعمت‌الله بارکزی گه کوره: «تورت آی دن بویان یوقاری قووتلی بنالر، حمام‌لر نینگ ایگه‌لری و دودلی بولگن منطقه اهالیسی دن، فیلتر قوندیریش‌لرینی سوره‌گنمیز و فیلتر نصب ایتیلگن.»
بیزلرنینگ توییترده هم تعقیب قیلینگ!
برچه‌سی بیلن، محیط_اطراف نی حفاظت قیلیش ملی اداره نینگ نظارت و تفتیش باشلیغی بصیر امین گه کوره، اوتگن ییل‌لرگه نسبتن کابل شهری ده هوا افلاس‌لنیشی کمه‌یگن و بوتوغریده مذکور اداره تامانیدن ایریم ریجه‌لر نظرگه آلینگن.
اونینگ کوپه‌یتیریشیچه: «اوتگن ییل‌لرگه نسبتن هوا افلاس‌لنیشی کمه‌یگن و کیلگوسی قیش موسومیده کوپه‌ی مسلیککه امید بیلدیره‌من و هوا افلاس‌لنیشینی آلدینی آلیش اوچون ایریم برنامه‌لرنی نظرگه آلگن‌میز.»
یشش محیط ایش بیلرمان‌لری، هوا دغللیگی اولکه یشاوچیلری نینگ استه_سیکین اولیمی اوچون کتته تهدید حسابلنیشیدن آگاه‌لنتیره دیلر.
