ساغلیق‌نی سقلش وزیرلیگی گه کوره، ۲۰۲۳ ییل ده پولیو گه قرشی ایملش بیرینچی دور کمپاینی بوگون باشلنگن و اوشبو هفته پنج‌شنبه گچه اویمه_اوی دوام تاپیشی کوتیله‌دی.
ساغلیق‌نی سقلش وزیرلیگی سوزلاوچیسی شرافت زمان نینگ ایتیشیچه، ۱۶ ولایت ده یولگه قوییلگن اوشبو دور کمپاین ده بیش یاشنی تولدیرمه‌گن بیش میلیون دن آرتیق باله واکسین بولیشی ممکن.
اونگه کوره: «کابل شامل شرق، جنوب، جنوب‌شرق و غرب حوزه‌لریده ۱۶ ولایت و ۱۷۸ تومن ده بیش یاشنی تولدیرمه‌گن ۵.۳ میلیون باله واکسین بوله‌دی، اوشبو دور کمپاین بوگون باشلنگن و اوشبو هفته پنج‌شنبه گچه دوام تاپیشی کوتیله‌دی.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، عایله‌لردن بیرقطاری پولیو گه قرشی ایملش کمپاینی یولگه قوییلیشینی خوش قرشی‌لب ایتیشلریچه، اوشبو واکسین تطبیق ایتیلیشی بیلن، باله‌لرینی فلج بولیش دن قوتقره‌دی.
کابل یشاوچیسی زحل انوری، اوچ یاشر جیینینی پولیو گه قرشی ایملش کمپاین اوچون کوچه گه قدر چیقرگن ایتیشیچه، پولیو گه قرشی ایملش واکسین تطبیق ایتیلیشی بیلن، اوشبو باله فلج بولیش خطری دن قوتیله‌دی.
زحل انوری نینگ ایتیشیچه: «عایله‌لر اوز فرزندلرینی واکسین قیلیش‌لری کیره‌ک، عایله‌میزده‌گی باله‌لر نینگ کیله‌جگی کفالت‌لنیشی اوچون پولیو گه قرشی واکسین نی تطبیق ایته‌میز، بو واکسین‌نی تطبیق ایتیش دن اساسی مقصد باله‌لرنی فلج بولیش دن قوتقریش دیر، باله‌لر واکسین بولمه‌گن حالده یا قول‌‍لری فلج بوله‌دی یا ده ایاغ‌لری.»
کابل یشاوچیلریدن باشقه بیری مرتضا صادقی گه کوره: «نیچه جیینیم پولیو گه قرشی ایملنه‌دیلر، باله‌لر فلج بولمسلیگی اوچون اولرنی واکسین قیله‌میز.»
اوتگن بیر یریم ییل ده مملکت نینگ قطار ولایت‌لریده ایملاوچیلردن بیرتعدادی هلاک ایتیلگن بولسه ده، حاضر ۱۶ ولایت ده پولیو گه قرشی ایملش کمپاینی یولگه قوییلگن؛ بیراق ساغلیق‌نی سقلش وزیرلیگی نینگ ایتیشیچه، ایملاوچیلر نینگ خوفسیزلیگی اوچون امنیتی کوچلر بیلن هماهنگ بولگن.
دین عالم‌لریدن بیرقطاری، باله‌لر گه پولیو واکسینی تطبیق ایتیلیشینی ایجابی بهاله‌یدیلر.
بیزلرنینگ توییترده هم تعقیب قیلینگ!
دین عالمی عبدالله احسانی نینگ ایتیشیچه: «شرعی نقطه‌ی نظر دن پولیو گه قرشی ایملش جائز دیر و عایله‌لردن اوز فرزندلرینی پولیو گه قرشی واکسین قیلیش‌لرینی ایسته‌یمیز و بو ایش عایله‌لر و جمعیت اوچون اونملی دیر.»
ساغلیق‌نی سقلش وزیرلیگی نینگ معلوماتی اساسیده، اوتگن ییل ده پولیو گه قرشی ایملش ۹ فرعی کمپاین ده، باله‌لر آره‌سیده اوشبو کسل‌لیکنی کمه‌یتیریش گه قادر بولگنلر و ۲۰۲۲ ییل ده پکتیکا و کنر ولایت‌لریده باله‌لر فلجی ایکی موردی ثبت ایتیلگن.
ایتیش کیره‌ک که، دنیا بویلب افغانستان و پاکستان، باله‌لر فلجی کسل‌لیگی حاضرگچه بوتونلی یوقالمه‌گن مملکت‌لردن سنله‌دی.