ایش و اجتماعی ایشلر وزیرلیگی مسئوللری نینگ ایتیشلریچه، بنگی‌وار ماده گه چلینگن ۵۶۰ معتاد دوالنیش‌دن کیین، بوگون (چهارشنبه، ۲۸-سنبله)، بیش بولیم‌ده کسب-کار اورگه‌تیش تورت آی‌لیک بیر دورنی بیتیریب و فارغ بولگنلر.
ایش و اجتماعی ایشلر وزیرلیگی سوزلاوچیسی سمیع ابراهیمی نینگ ایتیشیچه، مذکور کیشیلر بوت تیکیش، بیک تیکیش، تیکووچیلیک، الکترونیکی اوی وسیله‌لرینی توزه‌تیش و بنالر گه لین تارتیش ایشلرینی اورگنگنلر.
بیزلرنینگ «ایکس» ترماغی ده هم تعقیب قیلینگ!
جناب ابراهیمی نینگ کوپه‌یتیریشیچه: «فراغت حجتلری یانلریده بولگن، تورلی بولیم‌لرده تعلیم کورگن کیشیلر اوچون وسیله‌لر ترقه‌تیله‌دی. اوشبو وسیله‌لر نینگ قیمتی فرقلی؛ بیراق اورته شکلده هر بیر کیشی گه ترقه‌تیله‌دیگن نرسه‌لر قیمتی ۳۰ مینگ-۶۰ مینگ افغانی گه ییتیشه‌دی.»
شونده‌ی بیرحالده، بنگی‌وار ماده نی ترک قیلیش پروسه‌سی نی اوتکزیب، کسب-کار اورگه‌نیش دوره‌سینی بیتیرگن کیشیلردن قطاری، سرپرست حکومت‌دن اولر گه دایمی ایش زمینه‌سی یره‌تیلیشینی ایسته‌گنلر.
سکیز خارجی تیل نی بیله‌دیگن ۳۲ یاشر محمد وسیم نینگ ایتیشیچه، باشقه مملکتلر گه مهاجرت قیلگنیدن کیین، بنگی‌وار ماده گه چلینگن.
وسیم، اوشبو کسب-کار اورگه‌تیش مرکزی‌ده تعلیم صفتی قوییلیگی‌دن تنقید قیلیب و کوپه‌یتیریشیچه: «یعنی بیر ماشین بیره‌سیزلر، بیراق تورت آی‌ده هیچ کیم تیکووچی یا-ده بوت تیکووچی بوله آلمه‌یدی و شاگردلر یخشی‌راق اورگه‌نیش اوچون کوپینچه وقت گه نیازلری بار.»
بیزلرنینگ فیسبوک صحیفه‌میزگه باش اورینگ!
کابل یشاوچیسی و بنگی‌وار ماده نی ترک قیلیب، بو مرکزده تعلیم کورگن محمد رفیع نینگ ایتیشیچه، مذکور مرکزده بنالر گه برق تارتیش بولیمی نی اورگنگن و حاضر ایسه بو بولیم‌ده ایشلش بیلن، اوزی و عایله خره‌جتینی تامین‌لش ایسته‌یدی. محمد رفیق گه کوره: «بوندن کیین بنالر برقی خصوصیده ایشلش بیلن جمعیت گه خذمت قیلیب، ایشلب و بو یامان عمل‌دن خلاص بولماقچین‌مین.»
ایش و اجتماعی ایشلر وزیرلیگی نینگ آماری اساسیده، اوتگن بیر یریم ییل‌‌ده بنگی‌وار ماده گه چلینگن ۳ مینگ معتاد، بنگی‌وار ماده نی ترک قیلیش دوره‌سینی بیتیریشدن کیین اوشبو وزیرلیک نینگ کسب-کار اورگه‌تیش مرکزلریدن فارغ بولگنلر.
