غزنی ده‌گی معتادلردن قطاری نینگ ایتیشلریچه، قولی شکلده بنگی‌وار ماده‌لری تاپیلیشی و ایش‌سیزلیک باعث نیچه مراتبه درمان بولیش‌لریدن کیین قیته دن بنگی‌وار ماده‌لری گه یوز کیلتیرگنلر.
غزنی یشاوچیسی راضیه، بیش ییل دن بیری بنگی‌وار ماده دن قوللـه‌نیب کیلماقده ایتیشیچه، اوشبو مدت ایچیده ایکی مراتبه دوالنگن.
او نینگ کوپه‌یتیریشیچه: «بو ییل بیلن بیش ییل بوله‌دی معتاد من، اوشبو مدت ایچیده ایکی مراتبه دوالندیم، ینه هم بونگه چلیندیم. ایریم نی تشقری ده، تهکوی ده باریب چکیش‌نی ایتر ایدیم، لیکن او قبول قیلمسدی، شونی اوچون ینه‌هم معتاد بولدیک.»
بیزلرنینگ فیسبوک صحیفه‌میزگه باش اورینگ!
غزنی ده معتادلردن باشقه بیری نینگ ایناغه‌سی رضا گه کوره، ایناغه‌سی نیچه مراتبه دوالنگن، بیراق ایش‌سیزلیک و قولی شکلده بنگی‌وار ماده‌لری تاپیلیشی باعث، ینه‌هم معتاد‌لیککه یوز کیلتیرگن.
اونگه کوره: «بونی اوچ مراتبه بستر قیلدیک، بیر ییل و ایکی ییل وقفه دن کیین قیته دن بنگی‌وار ماده گه یوز کیلتیردی. اسلام امیرلیگی دن مخدره ماده‌لر ساتیلیشی آلدینی آلیشنی ایسته‌یمیز.»
عین‌حالده غزنی ده معتادلرنی درمانلش ۵۰ بسترلیک کسلخانه سرپرستی ذبیح‌الله سعادت نینگ ایتیشیچه، اوشبو کسلخانه ده کسل‌لر ۴۵ کون‌لیک درمانی دوره‌نی اوتکزیب و کیین ایسه تشقری ده بیر ییل‌لیک درمانی دوره‌نی نظارتی شکلده اوتکزه‌دیلر.
او نینگ کوپه‌یتیریشیچه: «بیز کسل‌نی ۴۵ کون کسلخانه ایچیده دواله‌یمیز، ۴۵ کوندن کیین نظارتی روشده بیر ییل‌لیک دوره‌نی تطبیق ایته‌میز، معتادلردن قطاری ییل‌لر بویلب بنگی‌وار ماده چککن اولرنی بیر ییل گچه کوزه ته‌میز.»
غزنی ساغلیق‌نی سقلش باشلیغی رسول‌خان نظری گه کوره، معتادلر بنگی‌وار ماده گه قیته دن یوز کیلتیرمسلیک اوچون، دولت و عایله‌لر اولر گه ایش زمینه‌سینی یره‌تیشی کیره‌ک.
بیزلرنینگ توییترده هم تعقیب قیلینگ!
غزنی امنیه قوماندان‌لیگی نینگ معلوماتی اساسیده، اوشبو ولایت ده عیاللر و باله‌لر شامل ۱۵۰ مینگ کیشی معتاد دیر.
غزنی امنیه قوماندان‌لیگی بنگی‌وار ماده‌لر گه قرشی کوره‌ش مدیری گل‌محمد نینگ سلام‌وطندار گه ایتیشیچه: «غزنی ده ۲۸۵ عیال، ۸۵ باله اوشبو ماده گه چلینگن، ۲۵۶۰ کیشی باش پنه‌سیز یشش اوی‌لری یوق، ۵۶۰۰ کیشی آغیر معتاد، ۲۵۰۰۰ کیشی اورته معتاد و ۸۰۰۰۰ کیشی عادی معتاد دیر.»
ایش‌سیزلیک، قولی شکلده بنگی‌وار ماده‌لری ساتیلیشی، اساسی شکلده درمان بولمسلیک، میلیون‌لرچه کیشی نینگ معتاد بولیشی گه سبب بولگن.
