تقدیرسیزلیک، اقتصادی و اجتماعی قیینچیلیکلر و پولیس تامانیدن شفقتسیز شکلده قولگه آلینیشلر، پاکستان ده افغانستانلیک مهاجرلر نینگ روپهره بولهدیگن قیینچیلیکلردن دیر.
مذکور قیینچیلیکلر، افغانستانلیک مهاجرلر آرهسیده روحی خواطرلر گه سبب بولیب، شونینگدیک ینگیلیکده خلقارا کیچیریم تشکیلاتی بو توغریده خواطر بیلدیرگن.
اوشبو تشکیلات ایکس صحیفهسیده، پاکستان ده افغانستانلیک مهاجرلر وضعیتی خصوصیده دنیا جماعهسی نینگ توجهسیزلیگیدن تنقید قیلگن. بو توغریده مذکور نهاد نینگ یازیشیچه: «پاکستان ده افغانستانلیک مهاجرلر نینگ وضعیتی گه دنیا جماعه نینگ توجهسیزلیگی، جودهیم خواطرلنتیرووچی بیر موضوع دیر.»
بیزلرنینگ «ایکس» ترماغی ده هم تعقیب قیلینگ!
عین حالده، پاکستان ده افغانستانلیک مهاجرلردن اوچ میلیونی نی، افغانستان ده جمهوریت توزومی نینگ قولشیدن کیین خوفسیزلیک خواطرلر سبب، مملکت نی ترک قیلیب و پاکستان نینگ تورلیخیل شهرلریده گه باریب و اروپایی و آمریکایی مملکتلر گه کیتیش نی کوتیب تورگن مهاجرلر تشکیل بیرهدی.
پاکستان ده افغانستانلیک مهاجرلردن بیری میرویس زازی، جمهوریت توزومی قولشیدن کیین، مذکور مملکت گه باریب و مقصد مملکت گه کیتیش نی کوتیب تورگن مهاجرلردن بیری دیر.
اونینگ کوپهیتیریشیچه، تقدیرسیزلیک ایکی ییلدن بیری پاکستان ده بولگن مهاجرلر نینگ اقتصادی قیینچیلیکلر و نتیجهده روحی قیینچیلیکلر بیلن روپهره بولیشلری گه سبب بولگن. «ایکی ییلدن بیری افغانستانلیک مهاجرلردن کوپینچهسی کوتیب تورگن، بو قیینچیلیکلر و یامان اقتصادی وضعیت، مهاجرلر نینگ روحی قیینچیلیکلر بیلن روپهره بولیشلری گه سبب بولگن.»
باشقه بیر تاماندن، پاکستان ده افغانستانلیک مهاجرلر کینگشی اورینباسری عبدالبصیر وصال، مهاجرلر وضعیتی نی یامان و روحی قیینچیلیکلر بیلن روپهره بولگن دیب و ایتیشیچه، اوشبو قیینچیلیکلر مذکور مملکت پولیسی تامانیدن قولگه آلینیشلر پروسهسی نینگ کوچهیشی بیلن، کوپهیگن.
جمهوریت توزومیده سارنوال بولگن و حاضر ایسه پاکستان ده مقصد مملکت گه کیتیش نی کوتیب تورگن وصال گه کوره، سونگی کونلر اوشبو مملکتده اوچ افغانستانلیک مهاجر بو قیینچیلیکلر سبب، اوزلری نی اولدیرگنلر. «آوقتلنیش اوچون نان تاپه آلمهگن مهاجرلر دیر، حاضر ایسه اوی کرایهسی نی بیره آلمهیدیلر و یامان وضعیتده قرار تاپگنلر. مذکور وضعیتلر مهاجرلر نینگ روحی قیینچیلیک تاپیشلری گه سبب بولگن. اوشبو وضعیتلر سبب، اوچ ته افغانستانلیک مهاجر اوزی نی اولدیرگن.»
بیزلرنینگ فیسبوک صحیفهمیزگه باش اورینگ!
پاکستان ده افغانستانلیک مهاجرلر کینگشی اورینباسری نینگ ایتیشیچه، افغانستانلیک مهاجرلر قیینچیلیگی حلی اوچون، خلقارا تشکیلاتلر گه مراجعت قیلگنلر؛ بیراق حاضرگچه اوشبو قییتچیلیکلر حل بولمهگن.
عبدالبصیر وصال نینگ کوپهیتیریشیچه: «بیرلشگن ملتلر تشکیلاتی ۲۰۲۱-ییلدن کیینگی مهاجرلر گه توجه قیلمهیدی، اولر گه هیچ قندهی یاردم و همکارلیک صورت تاپمهگن، حاضر ایسه اولر بالهلر بیلن تقدیرسیز بیر وضعیتده قرار تاپگن و بالهلری درس و تحصیلدن قالگن دیر.»
ایتیش کیرهک که، قریب بیر آی آلدین پاکستان حکومتی، ناقانونی برچه مهاجر نینگ تانیب و اوشبو مملکتدن چیقریش نی اعلام قیلگن ایدی.
