اسلام امیرلیگی باش وزیرلیگی نینگ اقتصادی اورین باسرلیک دفتری، بوگون (چهارشنبه، ۳ حوت) اوز تویتری ده، اسلام امیرلیگی باش وزیرلیگی نینگ اقتصادی اورین باسری عبدالغنی برادر، پاکستان مدافعه وزیری خواجه محمدآصف بیلن اوچره‌شگنیدن خبر بیرگن. پاکستان مدافعه وزیری، بوگون عالی مرتبه‌لی بیر هیئت ییتکچیلیگیده کابل گه ییتیب کیلگن.
مملکت باش وزیرلیگی اقتصادی اورین باسرلیگی نینگ دفتری تامانیدن ترقه‌‌لگن عکس‌لر گه کوره، اوشبو سفر ده پاکستان مدافعه وزیری نی، افغانستان اوچون اوشبو مملکت ایلچیسی، افغانستان اوچون پاکستان نینگ مخصوص نماینده‌سی و پاکستان حربی استخبارات تشکیلاتی (آی‌اس‌آی) باشلیغی همراه‌لیک قیله‌دیلر.
بیزلرنینگ فیسبوک صحیفه‌میزگه باش اورینگ!
مملکت باش وزیرلیگی اقتصادی اورین باسرلیگی نینگ دفتری گه کوره، اوشبو ییغیلیش ده تامان‌لر ایکی مملکت نینگ مناسبت‌لری، سوداگرلیک و اقتصادی همکارلیک‌لر اوستیگه بحث ایتگنلر.
مذکور ییغیلیش ده مملکت باش وزیرلیگی اقتصادی اورین باسری گه کوره، افغانستان و پاکستان قوشنی ایکی مملکت دیر و حسنه رابطه‌‌لری بولیشی کیره‌ک.
جناب برادر نینگ کوپه‌یتیریشیچه: «اسلام امیرلیگی پاکستان بیلن سوداگرلیک و اقتصادی مناسبتی بولیشنی ایسته‌یدی و بو مناسبت ایکی مملکت منفعتی گه دیر. سوداگرلیک و اقتصادی مسئله‌لر سیاست قربانی بولمسلیگی اوچون، سیاسی و خوفسیزلیک مسئله‌لردن اجره‌تیش لازم.»
بیزلرنینگ توییترده هم تعقیب قیلینگ!
عبدالغنی برادر گه کوره، اسلام امیرلیگی پاکستان قماقخانه‌لریده‌گی افغانستان‌لیک محبوس‌لر تیزلیک بیلن قوییب یوباریلیشینی ایسته‌یدی. «تورخم و سپین‌بولدک برچه یولاوچیلری گه قولی‌لیک یره‌تیلیب و کسل‌لرنی باریب_کیلیشی اوچون مخصوص قولی‌لیک یره‌تیلیشی کیره‌ک.»
مملکت باش وزیرلیگی اقتصادی اورین باسرلیگی نینگ دفتری گه کوره، پاکستان تامانی اسلام امیرلیگی گه موجود قیینچیلیکلر حل ایتیلیشیدن ایشانچ بیلدیریب، باغلیق وزیرلیکلر و کمیته‌لر، بوتوغریده تیزلیک بیلن اقدام قیلیش‌لرینی معلوم قیلگن.
