اوتگن کون مطبوعاتی ییغینده اشتراک ایتگن پاکستان نینگ ایچکی ایشلر وزیری افغانستان نی «دشمن مملکت» اوله‌راق یادله‌گن. پاکستان ایچکی ایشلر وزیری رانا ثناء‌الله، اوز بیاناتیده اوشبو مملکت نینگ سابق باش وزیری عمران خان گه خطاب ایتیشیچه، عمران خان نینگ پاکستان گه قیله‌دیگن اتهام‌لرینی، «حتی دشمن مملکت، افغانستان قیلمه‌گن.»
پاکستان ایچکی ایشلر وزیری نینگ بیاناتی و افغانستان نی دشمن مملکت اوله‌راق خطاب قیلیشی، پاکستان یشاوچیلری نینگ قتیق واکنش‌لری گه روپه‌ره بولگن؛ اوشبو عکس‌العمل‌لر پاکستان ایچکی ایشلر وزیرینی «افغانستان نینگ دشمن» خطاب قیلیشی باره‌سیده آچیقلمه بیریشگه مجبور قیلدی.
اوشبو مناسبت‌لردن نیچه ساعت دن کیین، پاکستان ایچکی ایشلر وزیری بیر ویدیو ترقه‌تیب اونینگ سوزلری تحریف بولگنینی بیلدیردی. رانا ثناء‌الله نینگ ایتیشیچه: «بوییرده او [عمران خان] پاکستان حکومتی نی عیبله‌گن که دشمن مملکت، افغانستان عیبلمه‌گن.»
بیزلرنینگ فیسبوک صحیفه‌میزگه باش اورینگ!
عین‌حالده، پاکستان ایچکی اشلر وزیری نینگ بیاناتی نه فقط پاکستان ده قتیق عکس‌العمل‌لر گه روپه‌ره بولگن؛ بلکه اونینگ سوزلری افغانستان ده هم ایریم مناسبت‌لر گه دوچ بولگن.
سیاسی ایش بیلرمان‌لر، پاکستان ایچکی ایشلر وزیری نینگ بیاناتی گه دایر ایتیشلریچه، او اوشبو سوزلری بیلن افغانستان خلقی برابریده قنچه‌لیک دشمن‌لیگی بولیشینی اثباتله‌گن.
ایش بیلرمان‌لر نینگ ایشانچی گه کوره، پاکستان هردایم افغانستان نینگ دشمن‌لریدن بیری بولگن و دشمن قالیشی ممکن. اولر پاکستان دن تنقید قیلیب کوپه‌یتیریشیچه، افغانستان بویلب برچه ناتینچ‌لیک اصلی عاملی اوشبو مملکت دیر و اسلامی امارت دن افغانستان مسئله‌سیگه دایر پاکستان گه سوینمسلیکنی سوره‌یدیلر.
سیاسی ایش بیلرمان سلیم پی‌گیر نینگ ایتیشیچه: «پاکستان بیز بیلن دشمن ایدی و دشمن قالیشی ممکن، بو سوزنی افغانستان برچه خلقی بیلیشی کیره‌ک.»
سیاسی ایش بیلرمان‌لردن باشقه بیری ابوذر خپلواک زازی گه کوره: «بوتونلی آلگنده، ایکی تور دیپلوماسیمیز بار. بیری آچیق دیپلوماسی دیر و باشقه بیری یاشیرینچ دیپلوماسی دیر. اولکه‌لر شعارلریده باشقچه؛ بیراق عمل ده ملی منفعت‌لری گه مناسب بولگن نرسه‌نی قیلیشه‌دی.»
بیزلرنینگ توییترده هم تعقیب قیلینگ!
باشقه تاماندن، بوتوغریده پاکستان ده افغانستان نینگ سابق ایلچیسی محمدعمر داوودزی هم مناسبت بیلدیرگن. او پاکستان ایچکی ایشلر وزیری نینگ سوزلریدن تنقید قیلیب، توییتری ده اونینگ عکسینی پست قیلیش بیلن، پاکستان ده بونده‌ی «حیوان» تیریکچیلیک قیله‌دی ایکن دیب یازگن.
بوتوغریده اسلامی امارت سوزلاوچیلری نینگ فکر_ملاحظه‌سینی اورگه‌نیش اوچون سعی و حرکت قیلدیک؛ لیکن کیتمه_کیت قونغراق‌لر بیلن مؤفق بولمه‌دیک.
اوتگن کوندن بویان، پاکستان ایچکی ایشلر وزیری نینگ اوشبو بیاناتی، افغانستان و پاکستانده ایریم مناسبت‌لر گه روپه‌ره بولگن.
