بوگون چهارشنبه ۳-حمل ینگی تعلیمی ییل نینگ باشله‌نیشی و مملکت ساووق ولایت‌لریده مکتب‌لر نینگ آچیلیشی بیلن، شونینگدیک فاریاب‌ده مکتب قونغیراغی بیر محفل یولگه قویش بیلن چیلینگن.
مذکور محفل فاریاب ولایت مرکزی میمنه شهری نینگ لیسه‌لریدن بیریده یولگه قویلدی، حکومتی رسمی‌لر و ایرکک اوقیتووچیلر یانیده، شونینگدیک عیال اوقیتووچیلر نینگ حضور تاپیشلری گه قرار آلینگن ایدی.
بیزلرنینگ فیسبوک صحیفه‌میزگه باش اورینگ!
بیراق منبع‌لر نینگ سلام‌وطندار گه ایتیش‌لریچه، اوشبو محفل‌ده عیال اوقووچیلر گه رخصت بیریلمه‌ی و اولر محفل‌ده شرکت قیلمه‌گنلر.
اوقیتووچیلردن بیری کیم‌لیگی سیر قالیش شرطی بیلن سلام‌وطندار گه ایتیشیچه، اوشبو محفل‌ده ایرککلر و عیال‌لر نینگ اولتیریشلری اوچون چوکی‌لر آره‌سیده کوپ فاصله قوییلیشی نی ایتگن ایدیلر. اونینگ کوپه‌یتیریشیچه، اوشبو ایشنی عملی قیلیسه‌لرده، محفل نینگ باشیده عیال اوقیتووچیلر گه کیریش اوچون رخصت بیریلمه‌گن.
شونده‌ی بیرحالده، اسلامی امارت معارف وزیرلیگی بیر اعلامیه ترقه‌تیب، ۶-صنف‌دن یوقاری قیز اوقووچیلرنینگ اینه بیر معلومات‌گچه مکتب گه باریشلری نی منع قیلگن.
اوشبو وزیرلیک نینگ اعلامیه‌سیده کیلیشیچه، شریعت، افغانی رسم و رواج و مدنیت اساسیده مکتب کییمی طرحی تطبیق بولینگن صورت‌ده، اسلامی امارت رهبری نینگ حکمی اساسیده مکتب‌لر باشله‌نیشی ممکن.
بیزلرنینگ توییترده هم تعقیب قیلینگ!
عین حالده، اوتگن کون معارف وزیرلیگی مملکت بویلب ۱-صنف‌دن ۱۲-صنف‌گچه قیز اوقووچیلر نینگ مکتب باریشلری خصوصیده خبر بیرگن ایدی.
