جوزجان ایکینچلیک ریاست مسئوللری نینگ ایتیشلریچه، ناتینچلیکلر بو ولایت ایکینچیلیگی اوستیگه سلبی تأثیر قویگن و ایکینچیلر و چارواچیلر بوش قول بیلن مذکور ولایت نینگ ناتینچ منطقهلری بیلن خیرلشگن.
جوزجان ایکینچلیک ریاست مسئوللری نینگ ایتیشلریچه، بو ولایت عیاللریدن ۵۰ فایزی نینگ درآمدی ناتینچلیک باعث قولدن کیتگن.
جوزجان ایکینچیلیک ریاست سرپرستی شفیقالله تلاش نینگ ایتیشیچه، ناتینچلیک بو ولایت ایکینچی و چارواچی عیاللریدن ۵۰ فایزی نینگ ضرر کوریشی گه سبب بولگن و اولر ایسه بوش قول بیلن شهر اطرافلریده آواره بولگن.
بیزلرنینگ فیسبوک صحیفهمیزگه باش اورینگ!
جوزجان ایکینچلیک ریاست سرپرستی گه کوره، مذکور عیاللر بوندن آلدین ایکینچلیک، چارواچیلیک و تاووق تربیهلش بیلن حیات خرهجتی نی تأمین قیلهدی ایکن که ناتینچلیک باعث مذکور عیاللرنینگ درآمدی اورته دن کیتگن.
جناب تلاش نینگ کوپهیتیریشیچه، بو وضعیت دوام تاپیشی کونسایین اوروش باعث آواره بولگن ایکینچی و چارواچی عیاللر سانی نی کوپهیتیرهدی.
ایکینچلیک و چارواچیلیک بیلن حیات خرهجتی نی تأمین قیلهدیگن عیاللرنینگ ایتیشلریچه، ناتینچلیکلر کوپهیگنی باعث ایکینچیلیک ییرلری و چاروالرینی قولدن بیرگنلر.
جوزجان مرکزی شبرغان شهریده ایکینچی عیاللردن بیری فاطمه نینگ ایتیشیچه، ناتینچلیک کوپهیگنی، طالبان حضوری و شونینگدیک بو گروه نینگ قرشیلیگی باعث ایکینچلیک محصولاتلری نینگ قوییب، مذکور ولایت مرکزی گه کیلیشلریگه سبب بولگن.
اوشبو جوزجانلیک ایکینچی گه کوره، بو وضعیت نینگ دوامی تاپگنی باعث مذکور ولایت ایکینچیلری ۷۰ الی ۱۰۰ فایز ضرر کورگن.
چارواچی عیاللردن باشقه بیری فاطمه نینگ ایتیشیچه، ناتینچلیک سایهسی ایکینچیلر و چارواچیلرنینگ حیاتی اوستیگه ییترلیچه سلبی تأثیر قویگن که اولر برچه امکانیتلرینی قوییب، بو ولایت نینگ تینچ ییرلریده پناه کیلتیرگن.
باشقه بیر تاماندن جوزجان عیاللر ریاستی مسئوللری نینگ ایتیشلریچه، ناتینچلیک باعث ایکینچی و چارواچی عیاللر کوپ ضرر کورگن و جوزجان مرکزی شبرغان شهریده ۹۵ قیشلاقدن ۵۰ تهسیده عیاللر فعالیتی توختهتیلگن.
عین حالده، سوداگر عیاللر جاری وضعیت نی خواطرلی دیب و بو ولایت ایکینچی و چارواچی عیاللریدن حمایت قیلینیشی اوستیگه اورغولهگن.
