کابل یشاوچیلریدن قطاری نینگ ایتیشلریچه، کابل شهری‌ده‌گی خصوصی کسلخانه‌لرده مسلکی شفاکار یوق‌لیگی، پایتخت‌ده طبی خذمت‌لر صفتینی کمه‌یتیرگن.
سلام‌‌وطندار رادیوسی نینگ پایواز صحی دستوری گه تماس آلگن کابل یشاوچیلریدن بیری، کابل ده خصوصی کسلخانه‌لرده مسلکی شفاکار یوق‌لیگیدن شکایت قیلگن دیر.
کابل شهری تایمنی منطقه‌سی یشاوچیلریدن یارمحمد نینگ ایتیشیچه، مسلکی شفاکار یوق‌لیگی باعث، خصوصی کسلخانه‌لردن بیری ده کسل قیزی نینگ یوزی جراح‌لیک‌دن کیین اوزگرگن.
بیزلرنینگ فیسبوک صحیفه‌میزگه باش اورینگ!
یارمحمد نینگ کوپه‌یتیریشیچه: «عملیات پیتیده یوزینی سیم بیلن اوره‌گنلر و حاضر جغی آلدین کیلیب و تیشی تشقری چیققن و جغی اوز جایی ده ایمس.»
کابل ولایتی پغمان یشاوچیسی نوراحمد نینگ ایتیشیچه، نیچه مراتبه محلی خصوصی کسلخانه‌لر گه مراجعت قیلگن؛ بیراق مسلکی شفاکار و تخنیکی جهاز یوق‌لیگی باعث کسل‌لیگی انیق تشخیص بولمه‌ی و حتا اونی اولیم گه یقین‌لشتیرگن.
نوراحمد گه کوره: «کسلخانه گه بارگنده دوا بیریشیب و کسل‌لیگیمنی تشخیص قیلیشه آلمه‌دیلر، دولتی کسلخانه گه مراجعت قیلیب و کسل‌لیگیم انیقلندی، بیر کیچه_کوندوزگچه عملیات قیلمه‌سم، کیسه صفرا یاریلیشینی ایتدیلر.»
شونینگدیک، کابل دشت‌برچی یشاوچیسی علی‌حیدر گه کوره: «بویره‌‌گیم گه تاشی بار ایکن، تلویزیونی معاینه اوچون باریب تیکشیردیم، تاشینی کورستمر ایدی. کیین ایسه شفاکار مسلکی ایمسلیگی و جهازلری یخشی ایشله‌مسلیگینی سیزدیم.»
عین‌حالده، ساغلیق‌نی سقلش وزیرلیگی نینگ مسئوللری کابل شهری ده خصوصی کسلخانه‌لرده مسلکی شفاکار یوق‌لیک ادعالرینی رد قیلیب ایتیشلریچه، اوشبو وزیرلیک شفاکارلر ظرفیتینی آشیریش مقصدیده سعی‌وحرکت قیلماقده دیر.
بیزلرنینگ توییترده هم تعقیب قیلینگ!
ساغلیق‌نی سقلش وزیرلیگی سوزلاوچیسی شرافت زمان نینگ ایتیشیچه: «دولتی کسلخانه‌لرده مسلکی شفاکار یوق‌لیک ادعاسی ناتوغری دیر. شفاکارلر نیچه سیناودن کیین خصوصی کسلخانه‌لرده بیر شفاکار اوله‌راق تعینلنه‌دیلر، تجربه‌سیز کیشی‌لر استخدام ایتیلیشی ممکن‌سیز دیر، بیراق طبی بعضی خطالر موجود، اساسی روشده طبی خذمت کورسه‌تیلیشی اوچون تلاش قیلماقده‌میز.»
ساغلیق‌نی سقلش وزیرلیگی مسئوللری نینگ ایتیشلریچه، اولکه یشاوچیلری گه یخشی طبی خذمت کورسه‌تیلیشی مقصدیده حاضرگچه کابل شهری ده اوچ مینگ ۵۰۰ کسلخانه تیکشیریلگن و بو جریان داوم ایتماقده.
عین‌حالده، اولکه یشاوچیلریدن قطاری، خصوصی کسلخانه‌لرده طبی خذمت صفتی قویی‌لیگیدن شکایت قیلماقده‌لر.