پروان ده چاروه‌چیلردن قطاری نینگ ایتیشلریچه، سیگیرلری محصولی کمه‌یگنی سبب کوپ قیین بیر شکلده حیات نیازلرینی تامین‌له‌‌یدیلر.
پروان تومنلریدن بیریده‌گی سیگیردارلردن شمریزخان نینگ ایتیشیچه، اوتگن ییل گه قره‌گنده سیگیرلری محصولی کمه‌یگن و حاضر ایسه اقتصادی قیین‌چیلیکلر بیلن روپه‌ره بولگن. «سیگیرلریمیز نینگ محصولی کمه‌یگن و بیزلر قیین‌چیلیک بیلن روپه‌ره‌میز. زحمت قیله‌میز، اوت بیره‌میز، بیراق درست سوت قولگه کیلتیره آلمه‌یمیز. پولیمیز یوق که اقتصادیمیز نینگ یخشی‌لنیشی اوچون زراعتی سیگیرلر ساتیب آلسه‌ک.»
بیزلرنینگ فیسبوک صحیفه‌میزگه باش اورینگ!
پروان ده سیگیردارلردن باشقه بیری علی‌احمد نینگ ایتیشیچه، حیوانی کسللیکلر نینگ ترقه‌لیشی و چاروه‌چیلیک ستندرد روشلرینی بیلمسلیک سبب، سیگیرلری محصولی کمه‌یگن. اونینگ کوپه‌یتیریشیچه: «وطنی سیگیرلردن کوپ قطاری اینیقسه نورستانی سیگیرلر، آز سوت بیره‌دی. سیگیرلر نینگ تربیه‌لنیشی توغریسیده هم بیزلر گه معلومات بیریلمه‌گن. قولگه کیلتیره‌دیگنیمیز سوت نینگ اونچه‌لیک بازاری یوق.»
مذکور سیگیردارلر، پروان ایکینچیلیک، سووغاریش و چاروه‌چیلیک ریاستی‌دن، اولر گه زراعتی سیگیرلر نینگ ترقه‌تیلیشینی ایسته‌گنلر.
پروان ایکینچیلیک، سووغاریش و چاروه‌چیلیک ریاستی نینگ زراعتی ایشلری بوییچه آمری نیازمحمد طائب نینگ ایتیشیچه، سیگیردارلر حاضرگچه قیین‌چیلیکلرینی بو ریاست گه بیان قیلمه‌گنلر. «سوت بیره‌دیگن سیگیرلر نسلی فیروزی، کنری و نورستانی کبی وطنی دیر که انه شوو سبب، محصوللری آز بوله‌دی. سیگیرلر نینگ آوقتلنمسلیگی، درست آذوقه بیریلمسلیگی و باشقه عامللر، چاروه‌لر محصوللری کمهیشی گه سبب بولگن.»
بیزلرنینگ «ایکس» ترماغی ده هم تعقیب قیلینگ!
وترینر‌لردن عبدالواحد تاج‌زاده نینگ ایتیشیچه، چاروه‌لر آذوقه‌سی یوقلیگی، حیوانی کسللیکلر ترقه‌لگنی و مصنوعی القاح نینگ عمل‌گه آشیریلمسلیگی، سیگیرلر محصوللری کمهیشی گه سبب بوله‌دی. «سیگیرلر آره‌سیده بیر قطار کسللیکلر نینگ ترقه‌لگنی، سیگیردارلر نینگ ستندرد چاروه‌چیلیک روشلری نی بیلمسلیک‌لری و سیگیرلر نینگ درست آوقتلنمسلیگی، اولر نینگ سوتی کمهیشی گه سبب بوله‌دی.»
ایکینچیلیک و چاروه‌چیلیک افغانستان اقتصادی نینگ اساسی بولیمی نی تشکیل بیرگنی و یشاوچیلردن کوپ قطاری بو بولیمده ایشلب عایله‌لری نینگ نیازلری نی تامین قیلگنلری بیلن؛ بیراق ستندرد چاروه‌چیلیک و ایکیش روشلرینی بیلمسلیک، ایکینچیلر و چاروهچیلر نینگ آزارق درآمد قولگه کیلتیریشلری گه سبب بولگن.