پروان ده باغ‌دارلردن قطاری، قوروق میوه‌لر ساتیلیشی اوچون ماس بازار یوق‌لیگی‌دن شکایت قیلیب ایتیشلریچه، قوروق میوه‌لر نی آز قیمت گه ساته‌دیلر. اولر نینگ کوپه‌یتیریشلریچه، جاری ییل‌ده اوتگن ییل گه نسبت ایچکی بازارلرده قوروق میوه‌لر قیمتی، ۶۰ فایز اوزگریب و ایکینچیلر نینگ خواطرلری گه سبب بولگن.
پروان ده باغ‌دارلر، سرپرست حکومت‌دن محصول‌لری نینگ ساتیلیشی اوچون ماس بازار یره‌تیلیشی‌نی ایسته‌گنلر.
غوربند دره‌سی سیاه‌گرد تومنی نینگ «قمچاق» قیشلاغی‌ده باغ‌دارلردن بیری عبدالباسط نینگ ایتیشیچه، ایچکی و تشقی قیمت‌لر نینگ ثابت بولمه‌گنی سبب، قوروق میوه نینگ ساتیلیش بازاری هم تنزل گه یوز توتگن. اونینگ کوپه‌یتیریشیچه، اوتگن ییل محصول‌لریدن کوپینچه بولیمی آلمان، عراق، تورکیه، ایران و بیرلشگن عرب امیر‌لیکلری گه صادر بولگن؛ بیراق بو ییل ییل مذکور محصوللر نینگ قیمتی ایچکی بازارلرده کمه‌یگن. «توت، یانغاق و بادام‌‌دن حاصل قولگه کیلتیره‌میز. بیر مینگ یخشی درجه اول یانغاق ۱۳۰۰-۱۴۰۰ افغانی، نیچه تور بادام نینگ سیری ۸۰۰-۳۸۰۰ افغانی، کشته نینگ سیری ۱۵۰-۱۲۰۰ افغانی که قریب ۱۰۰۰ تفاوت قیله‌دی و تشقی بازاری یوق.»
شونده‌ی بیرحالده، ایکینچیلیک ایش بیلرمان‌لری نینگ ایتیشلریچه، باغ‌دارلر و ایکینچیلر، محصول‌لری نینگ ایسته‌ک نی نظر گه آلیش بیلن، تولید و عرضه قیلیشلری کیره‌ک.
پروان ده ایکینچیلیک ایش بیلرمان‌لریدن احمد‌زبیر قاضی‌زاده نینگ ایتیشیچه، ستندرد محصوللر گه ایگه بولیش اوچون، حکومت مسلکی تعلیم زمینه‌سیده باغ‌دارلر و ایکینچیلری بیلن همکارلیک قیلیشی کیره‌ک. «دهقان‌لر مسلکی تعلیم‌لر گه نیازلری بار، بیرلشمه‌لر نینگ یولگه قوییب و یخشی درجه‌بندلیک قیلیشلری کیره‌ک، نیاز بولگن معلومات‌لر نینگ محصول بسته‌لری آرقه‌سیگه یره‌تیشلری کیره‌ک که بو رقم بازارده تانیلسین. دولتی نهاد‌لر دهقان‌لر یانیده بولیب و تخنیکی مشوره‌لر نینگ یره‌تیشلری کیره‌ک.»
پروان ده قوروق میوه سوداگرلری نینگ ایتیشلریچه، صادرات یوقلیگی سبب، مملکت ایچیده قوروق میوه ساتیلیش بازاری هم کمه‌یگن.
اوشبو ولایت‌ده قوروق میوه سوداگرلریدن مبشر، حکومت‌دن قوروق میوه حاصلاتی نینگ صادراتی کوپه‌یشی اوچون، هوایی دهلیزلر نینگ فعال بولیشی نی ایسته‌گن. «درست بیر مارکت یوق که محصو‌ل‌لریمیز نی درست و یخشی بیر قیمت گه ساتسه‌ک. عراق و ایران گه کیته‌دیگن کشته، موتر یولی بولمه‌گنی صورت‌ده، هوایی دهلیز‌دن امکانی بار. بو ییل کشته فایده قیلمه‌دی، درختی نی آلیب و اورنیگه بادام ایکه‌دیلر که او هم اوچ ییل گه قدر حاصل بیرمه‌یدی. اوتگن ییل ۸۰۰-۱۰۰۰ ساتیلدی و کشته و خسته نینگ قیمتی ۶۰ فایز اوزگرگن.»
عین حالده، پروان ایکینچیلیک، سووغاریش و چاروه‌چیلیک رئیسی عبدالرحیم نعمانی، گرچند قوروق میوه محصول‌لری گه ماس بازار یوقلیگی خصوصیده هیچ نرسه دیمه‌گن؛ بیراق اونینگ کوپه‌یتیریشیچه، باغ‌دارلر و ایکینچیلر گه فنی مشوره‌لر بیریلگن که، محصوللر میزانی نینگ کوپه‌یشی گه سبب بولگن. «بادام ۱۸۴۴ هکتار ییر مساحتی‌ده ایکیلگن و بو ییل ۳۰ مینگ ۶۸۸ تُن تولید بولیشی کوتیب توریلگن که، اوتگن ییل گه نسبت بیش-سکیز فایز کوپه‌یگن و یانغاق ۲۹۱ هکتار ییر مساحتی‌ده ایکیلگن و بو ییل اونینگ ۶۴۰ تُن تولید بولیشی کوتیب توریلگن که اوتگن ییل گه قره‌گنده ۱۰ فایز کوپه‌یگنی نی کورسته‌دی.»
ایکینچیلر نینگ ایشانچی گه کوره، مسئول نهاد‌لر ایکینچیلیک محصوللر اوچون ماس بازار یره‌تگنلری و ایکینچیلر گه محصوللر نینگ درست بسته‌بندی بولینیشی نی تعلیم بیرگنلری صورت‌ده، قوروق میوه‌لر نینگ یوقاری قیمت گه ساتیلیشی ممکن.