پروان ولایتی شیخ‌علی تومنی محلی مسئوللری، اوشبو ولایت ده یوز بیرگن ترافیکی حادثه عاقبتیده آلتی کیشی هلاک بولگنیدن خبر بیره‌دیلر.
پروان ولایتی شیخ‌علی تومنی ولسوالی ذبیح‌الله ترابی بوگون (دوشنبه، ۴ ثور) اوشبو خبرنی تصدیقلب سلام‌وطندار گه ایتیشیچه، مذکور حادثه بوگون توش دن آلدین ساعت ۸:۳۰ اطرافی ده، شیخ‌علی تومنی حدودلری جنوبی «شیبر کوتلی» ده «کرولا» رسوملی بیر موتر سرک دن چیقیب قولشی عاقبتیده یوز بیریب و نتیجه ده، آلتی یولاوچی هلاک بولگنلر.
بیزلرنینگ فیسبوک صحیفه‌میزگه باش اورینگ!
جناب ترابی نینگ کوپه‌یتیریشیچه، حادثه طفیلی برچه اولگنلر ایرکک‌لر دیر و جنوبی ولایت‌لر نینگ یشاوچیلری دیر.
مذکور واقعه هیداوچی نینگ دقت‌سیزلیگی سبب یوز بیرگن دیدی، شیخ‌علی تومنی ولسوالی ذبیح‌الله ترابی.
پروان_بامیان آره‌لیغیده جایلشگن شیبر کوتلی ده انده_سنده قانلی ترافیکی حادثه یوز بیریب و یشاوچیلردن قربان‌لیک آله‌دی.
بیزلرنینگ توییترده هم تعقیب قیلینگ!
ایتیش کیره‌ک که، اوتگن کون پروان نینگ تورلی منطقه‌لریده یوز بیرگن علیحده اوچ ترافیکی حادثه ده باله‌لر شامل ۱۲ کیشی یره‌لنگن.
