باختر دولت آژانسی، پروان محلی رسمی‌لریدن نقل قیلیب یازیشیچه، اوشبو ولایت نینگ سیاه‌گرد وشینواری تومن‌لری نینگ ایریم بولیم‌لریده دهشتلی سوو تاشقینی عاقبتیده، چمه‌سی ۳۱ کیشی هلاک بولیب و ۱۷ کیشی یره‌لنگن.
باختر نینگ معلوماتی اساسیده، پروان ده سوو تاشقینی باعث باشقه اونلب کیشی لادرک بولگن. باختر گه کوره، احتمالاً تلفات رقمی آشیشی ممکن. اوشبو دهشتلی و قانلی سوو تاشقینی اوتگن کون (یک‌شنبه، ۲۳ اسد) سیاه‌گرد و شینواری تومن‌لریده یوز بیرگن.
بیزلرنینگ فیسبوک صحیفه‌میزگه باش اورینگ!
اوشبو سوو تاشقینی عاقبتیده یوزلب یشش اوی و مینگلب ایکینچیلیک ییر اورته دن کیتگن. پروان معلومات و مدنیت باشلیغی گه کوره، سیاه‌گرد تومنیده یشش اوی‌لر بوزیلگن و یالغیز «تیکمر» منطقه‌سیده ۳۰ یشش اوی بوتکول سوو آستیگه قالگن.
ایتیش کیره‌ک که، سوو تاشقینی طفیلی پروان_بامیان قتناو یولی ترافیک یوزی گه یاپیلگن.
بیزلرنینگ توییترده هم تعقیب قیلینگ!
اوتکن کون باشقه قطار ولایت‌لرده یامغیر یاغیب و سوو تاشقینی یوز بیرگن. شو بیلن بیرگه افغانستان هواشناس‌لیک ریاستی، بوگون (دوشنبه، ۲۴ اسد) مملکت نینگ ۲۲ ولایتیده احتمالاً یامغیر یاغیب و سوو تاشقینی یوز بیریشیدن آگاه‌لنتیرگن.
