بوگون (چهارشنبه ۲۲- دلو) نماینده‌لر کینگش اعضاسی عمومی ییغینیده ینه بیر مرته ۱۴۰۰- مالی ییل بودجه‌سی اوستیگه بحث قیلیشگن. نماینده‌لر کینگش باشلیغی میررحمان رحمانی نینگ ایتیشیچه، بودجه نینگ اوچینچی لایحه‌سی اوچ کون آلدین کینگش گه ارایه قیلینگن و مسئول کمیسیون اونینگ اوستیگه ایشله‌گن.
اونینگ ایتیشیچه، قویاش ۱۴۰۰- مالی ییل بودجه‌سی نینگ اوچینچی لایحه‌سی کینگش نینگ برچه کمیسیون‌لریگه تاپشیریلگن و هر بیر کمیسیون ایرته‌دن بو ریجه اوستیگه بحث قیلیب و فکرلرینی کتبی شکلده کمیسیون گه ارایه قیله آله‌دی.
نماینده‌لردن قطاری تنقید قیلیب ایتیش‌لریچه، بودجه بوندن کوپراق نیچه نماینده آرقه‌لی گرو گه آلینمه‌ی و اونینگ تقدیری بیللی بولیشی کیره‌ک.
نماینده‌لر کینگش اعضالریدن قطاری مذکور کینگش باشلیغی میررحمان رحمانی‌دن تنقید قیلیب ایتیش‌لریچه، جناب رحمانی نیچه پروژه نی آلیش اوچون مالی و بودجه کمیسیون اعضالریگه ریجه تصویب ایتیلیشی نی آرتده قالدیریلیشی نی ایتگن.
نماینده‌لر کینگش اعضاسی سیداحمد سیلاب نینگ ایتیشیچه، بودجه نینگ ریجه‌سی شخصی منفعتلر اوچون بوندن کوپراق گروگه آلینمه‌سی کیره‌ک و بو ریجه نینگ اوستیگه قرار آلینیشی اوچون کینگش نینگ عمومی ییغینی گه ارایه قیلینیشی کیره‌ک.
بیراق نماینده‌لر کینگش باشلیغی بو عیبلاولرنی رد قیلگن.
شونینگدیک نماینده‌لر کینگش اعضالریدن باشقه بیر قطاری نینگ ایتیش‌لریچه، بودجه نینگ اوچینچی ریجه‌سیگه نماینده‌لرنینگ تکلیف‌لریدن کوپینچه‌سیگه توجه قیلینمه‌گن.
اولرگه کوره، بودجه نینگ اوستیگه هر تامانلمه بحث قیلینیشی کیره‌ک و اونینگ قنچه‌لیک زمان آلیش اونملی ایمس.
نماینده‌لر کینگش اعضاسی نیلوفر ابراهیمی نینگ ایتیشیچه، کینگش نینگ بودجه کمیسیونی بودجه نینگ ریجه‌سی اوستیگه مسلکی و هرتامانلمه ایش قیلیشی کیره‌ک و بودجه نینگ ریجه‌سی مسلکی شکلده تیکشیریلیشی کیره‌ک. اونگه کوره، بودجه نینگ کوپ ایش گه احتیاجی بار و نماینده‌لردن قطاری شخصی عقده‌لری باعث عیبلاو وارد قیلیشه‌دی.
