پنجشیر و پروان ده محلی مسئوللر نینگ ایتیشلریچه، اوتگن کون توش‌دن کیین (سه‌شنبه، ۳۰-اسد)، یوز بیرگن سوو تاشقینلر مذکور ولایت‌لر یشاوچیلری گه کوپینچه مالی زیان ییتیشتیرگن.
پنجشیر طبیعی حادثه‌لر گه قرشی کوره‌ش باشلیغی محب‌الله جاهد نینگ ایتیشیچه، سوو تاشقینلر رخه تومنی نینگ «پیاوشت»، «جمال‌ورده» و «قابضان» قیشلاقلریده یوز بیرگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه، مذکور سوو تاشقینلر جانی قربانلیککه باعث بولمه‌گن؛ لیکن مینگ‌لرچه جریب ایکینچیلیک ییر، اونلب سوو کانالی، برق بندلری و کوپریک‌لر ویران بولگن.
جناب جاهد گه کوره، یوز بیرگن سوو تاشقینیدن زیان کورگنلر گه یاردم بیریش اوچون سیار تیم‌لر مذکور تومنلر گه یوباریلگن.
باشقه بیر تاماندن، پروان ولایتی سیاه‌گرد تومنی ولسوالی غلام‌محمد جراح نینگ ایتیشیچه، اوتگن کونی شام چاغی مذکور تومن نینگ «قول‌خول» و «قول‌لج» قیشلاقلریده یوز بیرگن سوو تاشقینلر نتیجه‌سیده، اوشبو قیشلاقلر یشاوچیلری گه کوپینچه مالی زیان ییتیشگن.
اونینگ کوپه‌یتیریشیچه، اوشبو سوو تاشقینلر عاقبتیده ایکینچیلیک ییرلر، اونلب سوو کانالی، کیچیک سوو توغانلری، سرک‌لر و نیچه کوپریک ویران بولگن.
بیزلرنینگ فیسبوک صحیفه‌میزگه باش اورینگ!
سونگی کونلر غزنی، پکتیکا و میدان‌وردک ده سوو تاشقینلر یوز بیریب و نتیجه‌ده مذکور ولایت‌لر یشاوچیلریدن قطاری زیان کورگن.
