پنجشیر ولایتی یشاوچیلری نینگ ایتیش‌لریچه، بیر قطار منطقه‌لرده مخابراتی چیزیغ‌لری درست ایشلمه‌یدی و شونینگدیک بیر قطار منطقه‌لرده ایسه انترنت نینگ ضعیف‌لیگی هم اوشبو قیین‌چیلیک نینگ بیر بولیمی دیر.
پنجشیر ولایتی نینگ حصه دو تومنی یشاوچیسی سکندر دره‌‌یی نینگ سلام‌وطندار گه ایتیشیچه، بیر ییل‌دن بیری انترنت خذمت‌لری کیچه ساعت ۱۰ دن ایرتنگ ساعت ۶ گچه فعالیتی بند دیر.
اونینگ کوپه‌یتیریشیچه، اوشبو ولایت‌ده اوروش‌لر باشلنگنیدن بیری مخابراتی ترماق‌لر نینگ کیسیلیشی بیر قیین‌چیلیککه تبدیل بولگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، عبدالله خیل قیشلاغ یشاوچیلریدن شهرام نینگ ایتیشیچه، یشاوچیلردن کوپ قطاری اقارب و یقین‌داشلری بیلن ارتباط آلیش اوچون تاغ نینگ یوقاری بولیم‌لری قدر ساعت‌لرچه پیاده یوریب باره‌دیلر.
شونده‌ی بیرحالده، بیلیم یورت اوقیتووچیسی و مدنی فعال عزیز‌آقا عزیزی نینگ ایتیشیچه، حاضرگی عصر تکنالوژی و ارتباط‌لر عصری دیب یاد بوله‌دی و. اهالی اوشبو نعمت‌دن محروم قالمه‌یشلری کیره‌ک.
بیراق پنجشیر معلومات و مدنیت ریاست رئیسی اوشبو ولایت مخابرات و معلوماتی تکنالوژی اداره رئیسی عبدالحمید نوری‌دن نقل قیلیب و ایتگن که، پنجشیر نینگ بیر قطار بولیم‌لریده مخابراتی آنتن‌لردن قطاری تخنیکی قیینچیلیکلر بیلن روپه‌ره بولیب و مسئوللر نینگ سعی و حرکتی‌دن کیین قیته اوشبو قیین‌چیلیک حل بولگن.
مذکور گزارش‌ده تیگیشلی مسئوللر نینگ فکری نی آلیش ایسته‌دیک؛ بیراق کیت‌مه کیت قونقیراغ بیلن موفق بولمه‌دیک.
بیزلرنینگ توییترده هم تعقیب قیلینگ!
عین حالده، اسلامی امارت سوزلاوچیلریدن بیری بلال‌کریمی نینگ بو توغریده ایتیشیچه: «بو طبیعی بیر قیین‌چلیک دیر که بعضی منطقه‌لرده مخابراتی قیین‌چیلیک بار و بو آز بیر زمانلی بیر قیین‌چلیک دیر. مملکت نینگ هر بیر منطقه‌سیده تخنیکی قیین‌چیلیک چیقگنی پیتده، مسئوللر قیینچیلیکلر نی حل قیلیش اوچون سعی و حرکت قیله‌دیلر.»
بیلرمان‌لر نینگ ایشانچ‌لری گه کوره، محل یشاوچیلر نینگ قیین‌چیلیک‌لری گه توجه قیلیش اهالی بیلن حکومت آره‌سیده‌گی قیین‌چیلیک نی اورته‌دن کیتیزیشی ممکن.
