پکتیا ده‌گی خوفسیزلیک بیر منبع نینگ سلام‌وطندار گه ایتیشیچه، بوگون عصر چاغی (سه‌شنبه، ۲۴ عقرب)، ساعت ۴:۳۰ اطرافیده مذکور ولایت نینگ دندپتان تومنی دیورند چیزیغی «خرلاسی» دروازه‌سیده، اسلام امیرلیگی و پاکستان کوچلری اورته‌سیده آتیشمه یوز بیرگن.
منبع‌گه کوره، اوشبو توقنشوو قریب یریم ساعت دوام ایتگن. منبع نینگ کوپه‌یتیریشیچه، دستلب پاکستان حربی کوچلری چیگره قاعده‌لری گه قرشی اوق آتگنلر و اسلام امیرلیگی کوچلری هم اولر نینگ اوق آتیش‌لری گه جواب آوق آتیشگن.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، مذکور توقنشووده اسلام امیرلیگی ایکی عسکری اینگیل یره‌لنگن؛ بیراق پاکستان حربی‌لری نینگ تلفاتی حقیده معلومات بیریلمه‌گن. منبع گه کوره، توقنشوو سببی حاضرگچه بیللی ایمس.
عین‌حالده، پکتیاده ۲۰۳ منصوری قول اردو سوزلاوچیسی محمدیار جواد، اوشبو واقعه‌نی تصدیقلب سلام‌وطندارگه ایتیشیچه، بیرینچیدن پاکستان حربی‌لری اوق آتگنلر و اسلام امیرلیگی کوچلری ایسه اوزلریدن دفاع قیلیب و اولرگه قره‌ته اوق آتیشگن.
بیزلرنینگ توییترده هم تعقیب قیلینگ!
۲۰۳ منصوری قول اردو سوزلاوچیسی نینگ کوپه‌یتیریشیچه، مذکور واقعه ده اسلام امیرلیگی کوچلری زیان کورمه‌گنلر. اونگه کوره، حاضر وضعیت کنترول آستیده آلینگن.
ایتیش کیره‌ک که بوندن آلدین، اوشبو تومنده اسلام امیرلیگی کوچلری و پاکستان چیگره‌چیلری بیر_بیراوی بیلن توقنشگن ایدیلر.
