پکتیا مرکزی گردیز شهری و اوشبو ولایت نینگ لجه‌منگل و روحانی بابا تومن‌لر یشاوچیلری، یوز بیرگن سونگی سوو تاشقین‌لر نتیجه‌سیده، جدی شکلده زیان کورگنلر.
اوشبو تومن‌لرده‌گی زیان کورگنلر نینگ ایتیشلریچه، سوو تاشقین‌لر ایکینچیلیک ییرلر، یشش اویلر، سرک‌لر و قودوق‌لر نی ویران قیلیب و اولر نی کوپینچه قیین‌چیلیک بیلن روپه‌ره قیلگن.
لجه‌منگل تومنی یشاوچیلریدن بیری نواب‌خان نینگ سلام‌وطندار گه ایتیشیچه: «سوو تاشقینی منطقه‌میزده‌گی یشاوچیلر گه کوپینچه زیان ییتیشتیرگن. ییر، اویلر و سرک‌لر ویران بولگن. برچه‌میز کوپینچه قیین‌چیلیک بیلن روپه‌ره بولدیک.»
بیزلرنینگ توییترده هم تعقیب قیلینگ!
شونینگدیک لجه‌منگل تومنی یشاوچیلریدن باشقه بیری خیال‌الدین نینگ ایتیشیچه: «ییر گه کوپینچه زیان ییتیشگن. پیاز، بوغدای و برچه نرسه خراب بولگن؛ چونکه تاغ دیر و هر تامان‌دن سوو تاشقینی کیلیب کوپینچه زیان ییتیشتیرگن. اهالی یره‌لنگن و باشقه ایش هم یوق.»
گردیز شهری یشاوچیلریدن تاجمیر و نورمحمد نینگ ایتیشلریچه، سوو تاشقینی اولر گه کوپینچه زیان ییتیشتیرگن؛ بیراق هیچ بیر نهاد حاضرگچه اولر گه یاردم بیرمه‌گن. اولر نینگ کوپه‌یتیریشلریچه، اقتصادی وضعیت‌لری یخشی ایمس و اولر مؤسسه‌لر یاردمی بولمه‌گنی تقدیرده، یشش اوی‌لری و ایکینچیلیک ییرلری نی قیته توزته آلمه‌یدیلر.
تاجمیر نینگ ایتیشیچه: «کوپینچه زیان ییتیشگن؛ بیراق هیچ کیم یاردم بیرمه‌گن. ییرلری‌میز و اوی‌لریمیز ویران بولدی. نهاد‌لردن یاردم‌لری نینگ کمه‌یتیرمه‌سلیکلری نی ایسته‌یمیز، چونکه اهالی اوی‌لری نی قیته قوریش گه امکانیتلری یوق.»
شونینگدیک نورمحمد نینگ ایتیشیچه: «کمبغل‌میز و اقتصادی وضعیتی‌میز هم یخشی ایمس. هیچ نرسه‌میز یوق. نهادلر نینگ یاردم بیریشی کیره‌ک. انسان‌میز یاردم بیریشلری کیره‌ک. نهادلر، دولت‌لر و اسلام امیر‌لیگی‌‌دن بیر بیرلری بیلن همکارلیک قیلیش‌لری نی ایسته‌میز.»
شونده‌ی بیرحالده، پکتیا طبیعی حادثه‌لر گه قرشی کوره‌ش رئیسی نثار‌احمد نجات نینگ ایتیشیچه، اوتگن ایکی هفته‌ده سوو تاشقین‌لری سبب، لجه‌منگل و روحانی بابا تومن‌لریده ۳۰دن آرتیق یشش اوی ویران و شونینگدیک بیر قطار دکان، مکتب و دینی مدرسه بنا‌سی گه زیان ییتیشگن.
اونینگ کوپه‌یتیریشیچه، اوتگن نیچه آی‌ده سوو تاشقینی‌دن زیان کورگنلر گه یاردم بیره‌دیگن مؤسسه‌لر، حاضر ایسه فعالیت‌لری نی توخته‌تگنلر. او اوشبو نهادلر ایشی توخته‌گنی سببی‌نی، عیال‌لر ایشی منع بولگنی عنوان قیله‌دی.
بیزلرنینگ فیسبوک صحیفه‌میزگه باش اورینگ!
نثار‌احمد نجات نینگ ایتیشیچه: «اوتگن ییل گه قره‌گنده موسسه‌لر یاردمی آز بولگن و لجه‌منگل و روحانی بابا تومن‌لریده‌گی حاضرگی طبیعی واقعه‌لر اوی‌لردن کوپ قطاری گه ویران بولگن و ایکینچیلر گ کوپینچه زیان ییتیشگن. مؤسسه‌لر سروی تیم‌لری و باشقه فعالیت‌لری نی توخته‌تگنلر و اونی حکومت عیال‌لر گه رخصت بیرمه‌یدی دیب سیاسی موضوع گه اوزگرتیرگنلر.»
گرچند موسسه‌لر بوندن آلدین پکتیا ده سوو تاشقینی‌دن زیان کورگن عایله‌لردن کوپ قطاری گه کوپینچه یاردم بیرگن ایدی؛ بیراق اوشبو ولایت یشاوچیلری نینگ ایتیشلریچه، مؤسسه‌لر اولر گه یاردم بیرمه‌گنی تقدیرده، قیین‌چیلیک‌لری نینگ کوپه‌یشی ممکن.
