پکتیا امنیه قوماندان‌لیگی نینگ ایتیشیچه، اوشبو ولایتده هاوان اوقی پارتلشی عاقبتیده ایکی کیشی اولیب و باشقه ایکی کیشی یره‌لنگنلر.
پکتیا امنیه قوماندان‌لیگی سوزلاوچیسی عمر بدری گه کوره، بوگون (شنبه، ۳۰ میزان)، مذکور ولایت نینگ آریوب‌زازی تومنیده هاوان اوقی پارتلشی نتیجه‌سیده، ایکی باله هلاک بولیب وباشقه ایکی باله یره‌لنگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو واقعه اوتگن کیچه (جمعه، ۲۹ میزان)، باله‌لر هاوان اوقینی آلاو ایچیده تشلش‌لری باعث حادثه یوز بیرگن.
بدری نینگ کوپه‌یتیریشیچه، حادثه طفیلی یره‌دار باله‌لر پکتیا مرکزی گردیز شهری حوزه‌وی کسلخانه‌سیگه انتقال بیریلگن.
ایتیش کیره‌ک که، سونگی آی‌لرده مملکت بویلب سابق اوروش دن پارتلمه‌ی قالگن اوق‌لر، یشاوچیلر اینیقسه باله‌لردن قربان‌لیک آلماقده.
بیزلرنینگ توییترده هم تعقیب قیلینگ!
اوتگن کون (جمعه، ۲۹ میزان)، بادغیس ده اوروش دن قالگن ماده پارتلشی عاقبتیده اوچ باله هلاک بولدی.
شونینگدیک، اوتگن هفته چهارشنبه ۲۷ میزان، فراه ده هاوان اوقی پارتلشی باعث بیر کیشی هلاک بولگن ایدی.
