پکتیا مرکزی گردیز شهری‌ده کیچیک دم آلیش بیر پارککه بارگن اوشبو ولایت یشاوچیلری نینگ ایتیشلریچه، گردیز شهری‌ده مناسبتی کون‌لرده یشاوچیلر نینگ باریشی و دم آلیشی اوچون مناسب بیر پارک یوق دیر.
اولر نینگ کوپه‌یتیریشلریچه، گردیز شهری‌ده دم آلیش پارک‌لر یوقلیگی سبب، هییت بیرمی کبی مناسبتی کون‌لرده، دم آلیش و اویین-کولگی اوچون اوشبو ولایت نینگ اوزاق تومن‌لری گه کیته‌دیلر.
بیزلرنینگ «ایکس» ترماغی ده هم تعقیب قیلینگ!
پکتیا یشاوچیلریدن شفیع‌الله نینگ ایتیشیچه: «حاضرگی توخته‌گنیمیز مکان، غروال پارکی دیر؛ بو ییرده بولگن امکانیت‌لردن فایده‌لنیش ممکن ایمس و دم آلیش اوچون هم هیچ بیر مکان یوق. باله‌لر نینگ اوینشی اوچون هم مناسب بیر نرسه یوق؛ کورگنیز کبی برچه نرسه سینیب و خراب بولگن دیر.»
شونینگدیک پکتیا یشاوچیلریدن باشقه بیری محمد‌الله نینگ ایتیشیچه: «باشقه ولایت‌لرده بولگن دم آلیش مکان‌لر پکتیا ده یوق. دم آلیش پارک‌لر، ییگیت‌لر و باله‌لر نینگ دم آلیشی و مطالعه قیلیشی اوچون بولگن بیر جای دیر؛ انه شوو سبب دم آلیش مکان‌لر نینگ مناسب بولیشی کیره‌ک.»
باشقه بیر تاماندن، گردیز شهری یشاوچیلریدن مصطفا نینگ ایتیشیچه، سونگی ییل‌لر اوشبو شهرده ایکی ته کیچیک دم آلیش پارک‌لر قوریلگنی بیلن، بیراق اولر نینگ سقلنیشی خصوصیده مسئوللر نینگ توجه‌سیزلیگی سبب، چمن و وسیله‌لری بوزیلگن.
عین حالده، پکتیا ده محلی مسئوللر نینگ ایتیشلریچه، اینگ یقین‌ده گردیز شهری‌ده دم آلیش امکانیت‌لری بیلن بویوک بیر پارک قوریلیشی خصوصیده سعی‌وحرکت بوله‌دی.
بیزلرنینگ فیسبوک صحیفه‌میزگه باش اورینگ!
پکتیا معلومات و مدنیت باشلیغی ثواب‌جان اسلام‌یار نینگ ایتیشیچه: «ان‌شاءالله ایشانچ بیره‌من که بو توغریده صحبت قیلینیب و ایسته‌ک بیریلگن؛ اینگ یقین‌ده گردیز ده چیرایلی و بویوک بیر دم آلیش پارککه ایگه بولیشیمیز ممکن. گرچند بو ییرده بیر قطار دم آلیش مکان‌لر بار؛ لیکن اهالی گه کوره، بو دم آلیش مکان‌لر اولر اوچون ییترلی ایمس‌‌میش.»
ستندر دم آلیش مکان‌لر یوقلیگی نه فقط پکتیا بلکیم افغانستان پایتختی کابل شامل ولایت‌لردن کوپ قطاری‌ده، یشاوچیلر نینگ دم آلیشی گه توسیق بولگن کم‌چیلیکلردن دیر.
