خوست خوفسیزلیک مسئوللری نینگ تصدیق قیلیش‌لریچه، پاکستانی حربی‌لر اوشبو ولایت سپیری تومنی‌ده ۴ قیشلاغ نی بمبارد قیلگنلر.
خوست امنیه قومندانلیگی سوزلاوچیسی مستغفر گریز نینگ سلام‌وطندار گه ایتیشیچه، اوشبو هجوم اوتگن کیچه (جمعه، ۲۶-حمل) صورت تاپگن. اوشبو قیشلاغ‌لرده وزیرستانی مهاجرلر حیات کیچیره‌ر ایکنلر.
خوست امنیه قومندانلیگی سوزلاوچیسی نینگ کوپه‌یتیریشیچه، «مندته»، «امیر سپر»، «پسی میلی» و «شکونی» قیشلاغلری بمبارد بولگن. اونینگ اورغولشیچه، شونینگدیک اوشبو هجوم‌ده تلفات بار ایکن؛ بیراق حاضرگچه تلفات آماری بیللی ایمس.
بیزلرنینگ فیسبوک صحیفه‌میزگه باش اورینگ!
باشقه بیرتامان‌دن، محل یشاوچیلری نینگ سلام‌وطندار گه ایتیش‌لریچه، مذکور هجوم‌ده کمیده ۳۰ تینچ اهالی هلاک و یره‌لنیب و شونینگدیک بیر قطار یشش اوی ایسه تخریب بولگن.
حاضرگچه پاکستانی رسمی‌لر بوتوغریده هیچ بیر نرسه دیمه‌گن.
پاکستانی حربی‌لر شونینگدیک بوندن آلدین افغانستان چیگره بولیم‌لری نی هوایی و راکتی هجوم آستیده قرار بیرگن ایکنلر که بعضی موردلرده محل یشاوچیلریدن تلفات هم آلگن.
