پاکستان ده ناقانونی مهاجرلر قولگه آلینیش خبری دن کیین، بوگون (دوشنبه، ۲۰ سنبله)، پاکستان دان کونده‌لیگی اوشبو مملکت نینگ کراچی شهری ده اوتگن کوندن بیری افغانستانلیک ۵۰ مهاجر حبس گه آلینگنیدن خبر بیرگن.
اوشبو گزارش ده کیلیشیچه، ناقانونی مهاجرلرنی قولگه آلیش جریانی باشلنگن و پولیس تیم‌لری تورلی تومن‌لرده شبهه‌لی کیشی‌لر نینگ کیم‌لیگی و حجت‌لرینی تیکشیره‌دی.
پاکستان نینگ وقتینچه‌لیک ایچکی ایشلر وزیری سرفراز بوگتی، اوتگن کونی اسلام‌آباد ده مطبوعاتی بیر ییغیلیش ده، پاکستان دولتی اوشبو مملکت نینگ تورلی شهرلریده ناقانونی مهاجرلر گه قرشی جدی اقدام قیلیش گه قرار قیلگنینی ایتگن ایدی.
بیزلرنینگ فیسبوک صحیفه‌میزگه باش اورینگ!
اونگه کوره: «پاکستان ده ناقانونی مهاجرلرنی اولکه‌لری گه قیتیریش اوچون بیر قرار گه کیلگن‌میز، ناقانونی مهاجرلر بیلگیسینی بیرگن کیشی‌لر گه ساوغه تعیینله‌گن‌میز.»
پاکستان ده افغانستانلیک مهاجرلردن بیرقطاری نینگ ایتیشلریچه، مهاجرلر سرکوب بولیب و قولگه آلینیش جریانی دوام ایتگن تقدیرده، اولر ایریم قیینچیلیک‌لر بیلن روپه‌ره بولیش‌لری ممکن.
پاکستان ده افغانستانلیک ایکی مهاجر نعیم مهاز و ظاهر بهاند نینگ ایتیشلریچه، اوشبو مملکت ده تورلی خیل قیینچیلیک‌لرنی باش دن کیچیریشگن، بیراق بو وضعیت دوامی اولر اوچون فاجعه‌لی بولیشی ممکن.
پاکستان ده افغانستانلیک مهاجر نعیم مهاز نینگ کوپه‌یتیریشیچه: «ویزه‌لر وقتی یکونلنگن، ویزه ناقانونی یول دن اوزه‌یتیریله‌دی، قانونی اوزه‌یتیریش گه کوپ زمان کیره‌ک، قیینچیلیک کوپ مهاجر بیر کارخانه تاپیش آرتیده بولسه، ایزلنه‌دی.»
پاکستان ده افغانستانلیک مهاجرلردن باشقه بیری ظاهر بهاند گه کوره: «اوشبو مملکت ده مهاجرلر وضعیتی بحرانلی دیر، باشقه شهرلرده هم قولگه آلیش جریانی باشلنسه فاجعه‌لی بولیشی ممکن.»
باشقه تاماندن، پاکستان ده افغان مهاجرلریدن زحل راد، مذکور مملکت ده ناقانونی مهاجرلرنی قولگه آلیش گه دایر دولت نینگ سونگی قراری و ویزه‌لری تمدید بولمسلیگی خصوصیده ایتیشیچه، او و تورموش اورتاغی آلدین نظامی بولیب و ایزله‌نیش‌لریدن خواطرده‌لر.
بیزلرنینگ توییترده هم تعقیب قیلینگ!
او نینگ ایتیشیچه: «ویزه نی تمدید قیلیش قیین دیر، سونگی کونلرده مهاجرلرنی بیزاوته قیلماقده‌لر، پولیس دن قورقیب نیمه ایش قیلیشنی بیلمه‌یمیز، قورقیشیمیدن چقه‌لاغیم نی کسلخانه گه آلیب باره آلمه‌ی من.»
عین‌حالده مهاجرلر وزیرلیگی سوزلاوچیسی عبدالمطلب حقانی نینگ ایتیشیچه، پاکستان ده افغانستان مهاجرلری نینگ قیینچیلیگی حلی اوچون مذکور مملکت رسمی‌لری بیلن مذاکره قیلماقده‌لر.
اونگه کوره: «مهاجرلر قیینچیلیگی حلی اوچون، هردایم قوشنی مملکت‌لر بیلن علاقه‌ده میز، حاضرگچه پاکستان قماقخانه‌لریدن اوچ مینگ دن آرتیق افغانستانلیک مهاجر قوییب یوباریلگن و ایران دن قریب بیر مینگ محبوس آزاد بولگن، حجت‌سیز محبوس‌لر آبرو_عزت بیلن قوییب یوباریلیشی مقصدیده سعی‌وحرکت قیلماقده‌میز.»
نیچه آی دن بیری، پاکستان ده افغانستانلیک مهاجرلر نینگ قولگه آلیش جریانی کوپه‌یب و اولر برابری ده ایریم چیکلاولر یره‌تیلگن، بو مسئله پاکستان دولتی و اسلام امیرلیگی ارا کیسکین‌لیککه سبب بوله‌دی.
