اسلام امیرلیگی مدافعه وزیرلیگی، پکتیکا و ننگرهارنینگ بیر قطار بولیملریگه پاکستان آرقهلی اویوشتیریلگن هوا هجوملریگه قرشی جواب اولهراق آگاهلنتیریشیچه، «مناسبت وقتده»، «مناسب و اویلنگن» طرزده جواب بیریلیشی ممکن.
مذکور وزیرلیک، بوگون (۳-حوت، یکشنبه)، بیر بیانیه ترقهتیب، افغانستان منطقهلریگه پاکستاننینگ هوا هجوملرینی قارهلب و اونی مملکت ملی حدودی، خلقارا قانونلر، قوشنیچیلیک اساسلری و اسلامی ارزشلرنی بوزیش دیب اتهگن.
بیانیهده کیلیشیچه، اوتگن کیچه ننگرهار و پکتیکا ده تینچاهالی بولگن حدودلر هوا هجوملری بیلن نشانگه آلینیب و نتیجهده، عیاللر و بالهلر شامل اونلب تینچاهالی «شهید» بولیب و یرهلنگن.
مدافعه وزیرلیگینینگ اورغولشیچه: «مملکت حدودینی سقلش و اهالی امنیتینی تامینلش، شرعی و ملی مسئولیتیمیز دیر و مناسب وقتده، مناسب و اویلنگن طرزده جواب بیریلهدی.»
شونینگدیک مذکور وزیرلیکنینگ کوپهیتیریشیچه، تینچاهالی و دینی مرکزلرنینگ نشانگه آلینیشی، «پاکستان اردوسینینگ استخباراتی و امنیتی موفقیتسیزلیگی» نی کورستهدی و بو کبی اقداملر مذکور مملکتدهگی ایچکی موفقیتسیزلیکلرنی یاشیره آلمهیدی.
گزارشلر اساسیده، ۲-حوت، شنبه کیچه ساعت ۱۱:۰۰ اطرافیده، پاکستان جنگریلری پکتیکا تومنلریدن بیریده جایلشگن «مرغه» منطقهسی همده ننگرهارنینگ بیر قطار بولیملرینی هوا هجوملری بیلن نشانگه آلگن.
