سرپرست حکومت عالی اوقوو وزیرلیگی بیر بیانیه ترقه‌تیش بیلن ایتیشیچه، اوشبو وزیرلیک بیلیم ایشلری بوییچه معینی لطف‌الله خیرخواه، اوتگن کون (یک‌شنبه، ۲۰-جوزا)، کابل ده اوزبیکستان ایلچیسی یادگار خواجه شادمانوف بیلن اوچره‌شگن.
بیزلرنینگ «ایکس» ترماغی ده هم تعقیب قیلینگ!
اوشبو بیانیه اساسیده، مذکور اوچره‌شووده جناب خیرخواه اوزبیکستان ده‌گی افغانستان‌لیک طلبه‌لر قیین‌چیلیگی حلی، طلبه‌لر گه تحصیلی بورسیه‌لر بیریلیشی و ایکی تامانلمه علمی علاقه‌لر خصوصیده بحث و صحبت قیلگن.
باشقه بیر تاماندن کابل ده اوزبیکستان ایلچیسی افغانستان‌لیک طلبه‌لر گه ۵۰ تحصیلی بورسیه بیریلیشی‌دن خبر بیریب و ایتیشیچه، مملکتی افغانستان بیلن علمی همکارلیکلرنی کینگه‌یتیریش گه تیار دیر.
بیزلرنینگ فیسبوک صحیفه‌میزگه باش اورینگ!
اوزبیکستان افغانستان بیلن اقتصادی و علمی بولیم‌لرده «یخشی» علاقه‌لرگه ایگه بولگن مملکت‌لردن دیر و شونینگدیک عالی اوقوو وزیرلیگی نینگ معلوماتی اساسیده، حاضر ایسه ۴۳ افغانستان‌لیک طلبه مذکور مملکت‌ده تحصیل کورماقده.
