حادثه‌لر گه ییتیشیش بوییچه دولت وزیرلیگی نینگ ایتیشیچه، اوتگن بیر آی‌ده اوروشلر جریانیدن پارتلمه‌ی قالگن ماده‌لر نینگ پارتلشی عاقبتیده، افغانستان بویلب ۳۰ کیشی هلاک بولگن که اولردن کوپینچه‌سی نینگ باله‌لر تشکیل بیره‌دی.
اوشبو وزیرلیک مسئوللری، اوتگن اوروش‌لردن پارتلمه‌ی قالگن ماده‌لر قربانی‌لری سانی کوپه‌یشی نینگ اصلی عاملی نی کمبغل‌لیک عنوان قیله‌دیلر.
حادثه‌لر گه ییتیشیش بوییچه دولت وزیرلیگی نینگ ماین‌تازه‌لش هماهنگ قیلووچی و انسجام رئیسی نورالدین رستم‌خیل نینگ سلام‌وطندار گه ایتیشیچه: «مارچ آیی‌ده ۳۰ کیشی اوروشلر جریانیدن پارتلمه‌ی قالگن ماده‌لر نتیجه‌سیده قربان بولگن که، اولردن کوپینچه‌سی بدخشان، پروان، غزنی و فاریاب ولایت‌لریده یوز بیرگن دیر.»
بیزلرنینگ فیسبوک صحیفه‌میزگه باش اورینگ!
اوروش جریانیدن پارتلمه‌ی قالگن ماین‌لر، ییل‌لردن بیری افغانستان یشاوچیلریدن قربان‌لیک آلیب و مینگ‌لب کیشی نینگ اولیمی، یره‌لنیشی و ناگران بولیشی گه سبب بولگن که، حاضرگچه اونینگ قیین‌چیلیگی دوام ایتماقده.
اوتگن بیر هفته‌ده، بدخشان، غزنی و پروان ده، اوروشلر جریانیدن پارتلمه‌ی قالگن ماین‌لر نینگ پارتلشی عاقبتیده سکیز باله هلاک بولگن.
شونده‌ی بیرحالده، پارتلمه‌ی قالگن ماده‌لر نتیجه‌سیده قربان بولگن‌لر نینگ عایله‌لریدن قطاری، اسلام امیر‌لیگی‌دن تلفات کمه‌یشی اوچون، قیشلاغ‌لرده اوشبو ماده‌لر خطری گه تیگیشلی اهالی نی آگاه‌لنتیریش کمپاین‌لر نینگ یولگه قوییلیشی نی ایسته‌گنلر.
غزنی یشاوچیسی نورالله نینگ ایتیشیچه، تورت کون آلدین اوروشلر جریانیدن پارتلمه‌ی قالگن ماده‌لر نتیجه‌سیده ایناغه‌سی نینگ اوغلی هلاک بوگن دیر.
بیزلرنینگ توییترده هم تعقیب قیلینگ!
اونگه کوره: «تورت کون آلدین اوشبو پارتلمه‌ی قالگن ماده‌لر نینگ پارتلگنی نتیجه‌سیده عایله‌میزدن بیر باله هلاک بولیب و ۴ باله بیلن عایله‌میزدن بیر عیال یره‌لندی. اسلام امیر‌لیگی‌دن پارتلمه‌ی قالگن ماده‌لر موجود بولگن ییرلر نینگ تازه‌لنیشی نی ایسته‌یمیز.»
شونینگدیک بدخشان یشاوچیسی بولمیش احمد نینگ ایتیشیچه: «بدخشان ده پارتگن قول بمبی نتیجه‌سیده، ایکی باله هلاک بولیب و ۵ باله ایسه یره‌لندی. پارتلمه‌ی قالگن ماده‌لر خصوصیده خواطرده‌میز. اسلامی امارت‌دن بو توغریده توجه قیلیشلری نی ایسته‌میز.»
عین حالده، ۲۰۲۲-ییل‌ده افغانستان ده اوروشلر جریانیدن پارتلمه‌ی قالگن ماده‌لر نینگ پارتلشی عاقبتیده ۷۰۰ باله نینگ اولیب یا-ده ناگران بولگنی بیرحالده، ینگی‌لیکده بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، اوتگن بیر هفته‌ده افغانستان ده اوروشلر جریانیدن پارتلمه‌ی قالگن ماده‌لر نینگ پارتلشی عاقبتیده سکیز باله نینگ هلاک بولگنی نی بیان قیلگن.
