غور ولایتی کسلخانه‌سیده توییب آوقت‌لنمسلیککه چلینگن کسل‌لرنی دوالش مخصوص بولیمی، فیروز کوه شهری نینگ ایریم منطقه‌لری و اوشبو ولایت تومن‌لری اهالیسی نینگ اقتصادی ضعیف‌لیگی و عایله‌لر نینگ آگاهی‌سیزلیگی باعث توییب آوقت‌لنمسلیککه چلینگن باله‌لردن توله دیر.
قریب بیر هفته‌دن بیری غور ولایتی کسل‌خانه‌سیگه باله‌لرینی دوالش اوچون کیلتیرگن آنه‌لر، باله‌‌لری نینگ توییب آوقت‌لنمسلیککه چلینیش اصلی سببی نی، قشاق‌لیک عنوان قیلگنلر.
بیزلرنینگ «ایکس» ترماغی ده هم تعقیب قیلینگ!
کسل‌خانه گه باله‌سی نی دوالش اوچون کیلتیرگن آنه‌لردن بیری زهرا نینگ ایتیشیچه: «باله‌م جوده‌یم ضعیف بولگن. بو ییرگه کیلتیرگنیم‌ده کوپ ضعیف دیب و بستر قیلدیلر، بیش کیچه‌دن بیری بستر بولگن و هیچ اشتها‌سی یوق.»
شونینگدیک کسل‌خانه گه باله‌سی نی دوالش اوچون کیلتیرگن آنه‌لردن باشقه بیری زینب نینگ ایتیشیچه: «بو باله‌م جوده‌یم ضعیف و کسل دیر. منطقه‌میزده شفاکار یوق که باله‌میز نی شفاکار یانیگه آلیب باره‌سه‌ک. قیشلاغی‌میزده قوروق‌چیلیک بار. بو ییرگه کیلتیردیم شفاکارلر اونگه سوت بیریب و یاردم بیره‌دیلر.»
شونده‌ی بیرحالده، غور ولایتی‌ده‌گی شفاکارلر، قشاق‌لیک، یوقمه کسل‌لیک‌لر اینیقسه قیزه‌میق، ایچ‌کیتمه و شونینگدیک آنه سوتی‌دن آوقت‌لنیش خصوصیده عایله‌لر نینگ آگاهی‌سیزلیگی نی، توییب آوقت‌لنمسلیککه چلینیش سبب‌لری عنوان قیلگنلر.
غور ولایتی کسل‌خانه‌سیده‌گی باله‌لر کسل‌لیکلری بوییچه متخصصی محمد‌موسی الفت نینگ ایتیشیچه: «مراجعت قیله‌دیگن کسل‌لردن برچه‌سی توییب آوقت‌لنمسلیککه چلینگن ایمس، بلکیم معده، تنفسی و باشقه قیین‌‌چیلیکلر گه چلینگنلر و شو رقم قیزه‌میققه چلینگن کسل‌لر توییب آوقت‌لنمسلیککه مراجعت قیله‌دیلر. شونینگدیک تعلیم و اهالی نینگ آگاهی‌لیک سطحی قویی دیر.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن غور ساغلیق‌نی سقلش ریاستی مسئوللری نینگ ایتیشلریچه، قویاش جاری ییل نینگ ۹ آیی‌ده، ولایتی کسل‌خانه‌ده توییت آوقت‌لنمسلیککه چلینگن ۲۲ باله جان بیریب و ۷۰۰دن آرتیق باله ایسه توییب آوقت‌لنمسلیککه چلینگن.
غور ساغلیق‌نی سقلش ریاستی اورین‌باسری عبدالاحمد نوری نینگ ایتیشیچه: «۱۴۰۲-ییل نینگ ۹ آیی جریانیده، بستر بولگنلر سانی ۷۶۹ کیشی ایدی. قیغو بیلن بو رقم آره‌سیدن ۲۲ کیشی جان بیرگن، بیراق اوتگن ییل بستر بولگنلر سانی ۶۹۰ کیشی ایدی و جان بیرگنلر سانی ۲۰ ایدی. اوتگن ییل گه قره‌گنده قیغو بیلن توییب آوقت‌لنمسلیک واقعه‌لری نینگ کوپه‌یگنی نی کورسته‌دی.»
غور ساغلیق‌نی سقلش ریاستی مسئوللری نینگ ایتیشلریچه، بیر ییل‌دن بویان اوشبو کسل‌خانه نینگ توییب آوقت‌لنمسلیککه چلینگنلر نی دوالش اوچون مخصوص بولیمینی، خارجی بیر نهاد بوینیگه آلیب، موسسه‌لر هماهنگ‌لیگی‌ده معلومات بیریش کمپاین‌لری نی یولگه قوییش و واکسین تطبیق قیلیش بیلن اوشبو کسل‌لیک آلدی آلینیشی خصوصیده سعی و حرکت قیله‌دیلر.