اسلام امیرلیگی تامانیدن خشخاش ایکیلیشی تقیق‌لنگنی‌دن کیین، ارزگان ده ایکینچیلردن کوپ قطاری زیره ایکیش گه یوز کیلتیرگنلر. مذکور ایکینچیلردن قطاری نینگ ایتیشلریچه، خشخاش گه قره‌گنده زیره قیمتی آز بولگنی بیلن، بیراق باشقه ایکین‌لر گه نسبتاً یخشی درآمدی بار.
ایکینچیلردن صفی‌الله نینگ ایتیشیچه: «اوتگن ییل‌لرده کوکنار ایکه‌ر ایدیک؛ حاضر ایسه زیره ایکه‌میز. زیره یخشی دیر؛ چونکه حاصل و فایده‌سی کوپ دیر، گرچند تریاک ایکینیدن قولگه کیلتیره‌دیگنیمیز پول نی قولگه کیلتیره آلمه‌یمیز. تریاک اورنیده بدیل ایکین بیریلیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
ایکینچیلردن باشقه بیری بسم‌الله، سرپرست حکومت‌دن خشخاش اورنیده بدیل ایکین تیارلنیشی بولیمیده ایکینچیلر بیلن همکارلیک بولینیشی نی ایسته‌گن. اونینگ کوپه‌یتیریشیچه: «حاضر ایسه کوکنار ایکینی تقیق‌لنگن. زیره نینگ قیمتی یخشی؛ بیراق کوکنار اورنی نی آلالمه‌یدی، چونکه کوکنار نینگ پولی کوپ ایدی. حاضرگی موسوم‌ده جواری و بوغدای گه قره‌گنده، زیره یخشی دیر. سرپرست حکومت‌دن بدیل اوروغ‌لر و اصلاح بولگن کود‌لر نینگ بیریلیشی نی ایسته‌یمیز.»
باشقه بیر تاماندن، ارزگان ایکینچیلیک ریاستی مسئوللری نینگ ایتیشلریچه، سونگی آی‌لر جریانیده بو ولایت‌ده زیره ایکیلیشی کوپه‌یگن دیر.
ارزگان ایکینچیلیک ریاستی سوزلاوچیسی عبدالمنان فاروقی نینگ سلام‌وطندار گه ایتیشیچه، اوشبو ولایت نینگ زیره ایکیلگن ۵۱۹ هکتار ییریدن، ۵۴۴ تُن قاره زیره و ۷۷ تُن آق زیره قولگه کیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «۴۷۷ هکتار ییردن قاره زیره و ۴۲ هکتار ییردن آق زیره قولگه کیلگن. ارزگان هواسی زیره نینگ ایکیلیشی گه مناسب دیر و یخشی حاصل بیره‌دی. اصلاح بولگن اوروغ‌لر نی ایکینچیلر گه بیردیک؛ شونینگدیک اوسیم‌لیک آفت‌لری نینگ آلدی آلینیشی خصوصیده عمومی آگاهی‌لیک بیریلگن.»
اسلام امیرلیگی تامانیدن خشخاش ایکیلیشی تقیق‌لنگنی، تورلی ولایت‌لرده ایکینچیلر نینگ بدیل ایکین ایکیشلری گه سبب بولگن که، ولایت‌لردن قطاری‌ده ایکینچیلر زیره، پخته، زعفران و تورلی‌خیل حبوبات نی بدیل ایکین صفتیده قوللنه‌دیلر.
