بدخشان امنیتی منبع‌لرنینگ ایتیش‌لریچه، اوشبو ولایت نینگ بهارک تومنیده امنیتی کوچلر و طالبان آره‌سیده یوز بیرگن آتیشمه نتیجه‌سیده، اوشبو تومن نینگ پولیس قومندانلیگی اوپراسیون آمری هلاک ایتیلگن.
بهارک تومنی ولسوالی نورآقا نادری نینگ بو خبرنی تصدیق‌لب سلام‌وطندارگه ایتیشیچه، اوتگن کیچه اوشبو تومن نینگ «آبخوره» منطقهسیده طالبان جنگریلری و امنیتی کوچلر آره‌سیده یوز بیرگن آتیشمه‌ده پولیس قومندانلیگی نینگ اوپراسیون آمری محراب‌الدین امیری هلاک ایتیلگن.
عین‌حالده، بدخشان پولیس قومندانلیگی سوزلاوچیسی ثناالله روحانی نینگ ایتیشیچه، طالبان جنگریلری اوتگن کیچه اوشبو ولایت نینگ بهارک تومنیده امنیتی پوسته اوستیگه هجوم قیلگن، بیراق کمک کوچلر ساحه‌گه باریب طالبان نینگ هجومی‌نی آرتده اورگن.
روحانی نینگ کوپه‌یتیریشیچه، اوشبو واقعه‌ده امنیتی کوچلردن ۱ ته‌سی هلاک ایتیلگن.
بهارک، بدخشان ولایتی نینگ جمعیت‌لی تومن‌لریدن بیری دیر و طالبان گروهی گاه‌گاهی اوشبو تومنده امنیتی کوچلر اوستیگه هجوم قیله‌دی.
