پنجشیر مرکزی بازارک تومنیده محلی مسئوللر حضوری بیلن، اوتگن کون (۱-سنبله، شنبه)، اوچ کونلیک ایچکی تولیدلر و محصوللر کورگزمهسی آچیلگن.
پنجشیر معلومات و مدنیت ریاستی باشلیغی نصرالله ملکزادهنینگ ایتیشیچه، مذکور کورگزمه اوشبو ولایت سودا و صناعت ریاستی تشبثی بیلن، معلومات و مدنیت ریاستی همده «سیکارام احمدی» خذمت کورسهتیش کمپنیهسی همکارلیگیده اوتکزیلگن.
بیزلرنینگ «ایکس» ترماغی ده هم تعقیب قیلینگ!
جناب ملکزادهنینگ کوپهیتیریشیچه، بو برنامه دایرهسیده کتاب و هنری اثرلر جملهدن مینیاتوری و نقاشلیک اثرلریهم نمایش گه قوییلگن.
شوندهی بیرحالده، پنجشیر سودا و صناعت ریاستی باشلیغی امینالحق ماثورینینگ ایتیشیچه، بو کورگزمه ایچکی تولیدلرگه بازار تاپیش، اهالینی سرمایه یاتقیزیشگه قیزیقتیریش، ایچکی محصوللردن فایدهلنیش گه اهالینی تشویق قیلیش و مملکت اقتصادی رواجلنیشی اوچون تجارتی و مصلحتی ییغیلیشلر اوتکزیلیشی بوییچه زمینه یرهتیلیشی مقصد، ۱۸ غرفهده اوتکزیلگن.
بیزلرنینگ فیسبوک صحیفهمیزگه باش اورینگ!
ایتیلیشچه، اوشبو کورگزمهده تورلیخیل نرسهلر جملهدن قول صناعتی، ایکینچیلیک محصوللری، قالین، طبی جهازلر، دارو، کییم، کتابلر همده نقاشلیک، رساملیک و خطاطلیک شامل هنری اثرلر نمایشگه قوییلگن.
