نورستان و کنر اورمان‌لری نینگ یانغینی‌دن خوست و پکتیکا ولایت‌لریده یوز بیرگن قانلی زلزله، شمالی ولایت‌لرده یوز بیرگن بوران‌دن مملکت بویلب یوز بیرگن سوو تاشقین‌لری، برچه‌سی اهالی گه زیان ییتیشتیرگن طبیعی آفت‌لر دیر.
مملکت بویلب یوز بیرگن سونگی سوو تاشقینلر خصوصیده حادثه‌لر نی باشقریش ایشلری بوییچه دولت وزیرلیگی نینگ ارتباط و معلومات آمری نینگ سلام‌وطندار گه ایتیشیچه، سوو تاشقینلر باعث حاضرگچه ۱۲۰ کیشی هلاک و ۱۵۲ کیشی ایسه یره‌لنگن.
بیزلرنینگ توییترده هم تعقیب قیلینگ!
حادثه‌لر نی باشقریش ایشلری بوییچه دولت وزیرلیگی نینگ ارتباط و معلومات آمری حسیب‌الله شیخانی نینگ ایتیشیچه، یوز بیرگن سوو تاشقینلر جانی تلفات یانیده، شونینگدیک مالی خساره‌لر هم ییتیشتیرگن دیر. اوشبو وزیرلیککه کوره، مذکور واقعه‌لر نتیجه‌سیده ۳ مینگ یشش اوی تخریب بولیب و شونینگدیک مینگ‌لرچه جریب‌دن آرتیق ییر نینگ حاصلی اورته‌دن کیتگن دیر.
اونینگ کوپه‌یتیریشیچه: «اوتگن بیر آی جریانیده مملکت بویلب یوز بیرگن سوو تاشقینلر سبب، ۱۲۰ شهید و ۱۵۲ یره‌داریمیز بار. شونینگدیک کمیده ۳ مینگ یشش اوی مکمل یا-ده بیراز تخریب بولگن و اوشبو حادثه‌لر طفیلی مینگ‌لرچه جریب‌دن آرتیق ییر نینگ حاصلری اورته‌دن کیتگن.»
عین حالده، حادثه‌لر نی باشقریش ایشلری بوییچه دولت وزیرلیگی نینگ ارتباط و معلومات آمری گه کوره، اینگ یقین زمان‌ده سوو تاشقینلر مسیری نینگ اوزگریشی اوچون آب‌گردان توغان‌لر نینگ توزه‌تیلیشی گه قرار آلینگن.
شونینگدیک جناب شیخانی نینگ ایتیشیچه، اوشبو وزیرلیک سوو تاشقین‌لرده قربان بولگن‌لر نینگ عایله‌لری گه ۱۰۰ مینگ افغانی و یره‌دارلر گه ۵۰ مینگ افغانی نقدی یاردم ترقتگن دیر.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، طبیعی واقعه‌لر وزیرلیگی رسمی‌لری نینگ ایتیش‌لریچه، روسیه، چین، ایران، هند، پاکستان و عربی بیرلشمه اماراتی هم افغانستان ده طبیعی واقعه‌لر نتیجه‌سیده زیان کورگنلر گه یاردم بیرگنلر.
شونینگدیک بوندن آلدین طبیعی واقعه‌لر ایش بیلرمان‌لری، اوشبو واقعه‌لر عاملی نی اقلیمی اوزگریش‌لر دیگن ایدیلر.
