مملکت نینگ بیرقطار ولایت‌لریده هلاکتلی سوو تاشقین‌لری یشاوچیلر گه مالی و جانی نقصان یېتکیزگن.
سۉنگی هفته‌لرده‌گی کوچلی یامغیر و هلاکتلی سوو تاشقین‌لری طفیلی نقصان کورگنلردن غور ولایتی مرکزی مدرسه قیشلاغی یشاوچیسی فضل‌الحق زمانی گه کوره، یالغیز ایکینچیلیک آرقه‌لی عایله اعضالری نینگ احتیاج‌لرینی تامینلر اېدی لېکن حاضر ایکینچیلیک ییرلری یوق بولیشی بیلن عایله اعضالری آچ‌لیک بیلن دوچ بولیش‌لریدن خواطر ده دیر.
اونینگ کوپه‌یتیریشیچه: «سوو تاشقین‌لریده کچالو، لوبیا و بوغدای ایکین‌لریمیز یوق بولدی، دولت کېلیب عکس آلیب کېتدی لېکن حاضرگچه یاردم بیرگن یوق و بیزنی یگانه درآمد منبع‌میز ایکینچیلیک اېدی و یاردم بیریلیشنی اېسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک بغلان ولایتی دهنه‌ی غوری تومنیده ۱۲ ییل دن بېری دهقانچیلیک قیلیب کېلگن الوزی گه کوره، قویاش اوشبو ییل ده تورت جریب ییرده لوبیا اېکّن اېدی بیراق سۉنگی هفته‌لرده‌گی سوو تاشقین‌لری باعث برچه‌سی یوق بولگن.
اونینگ ایتیشیچه، سوو تاشقین‌لری طفیلی بوتون ایکینی یوق بولگن بولسه ده، لېکن سرپرست حکومت اولر گه حاضرگچه یاردم کورستمه‌گن.
اونگه کوره: «تورت جریب ییرده‌گی محصولات سوو تاشقینی باعث یوق بولدی و حاضر نیمه قیلیشنی بیلمه‌یمیز و حکومت دن بوتوغریده چاره کوریشینی اېسته‌یمیز.»
عین‌حالده، آچلیکدن آگاه‌لنتیریش دیب ناملنگن خلق‌ارا موسوم ترماغی ۱۱-جوزا، جمعه کونی بیر گزارش ترقه‌تیب، افغانستان ده یالغیز اپریل آی ده سوو تاشقین‌لری عاقبتیده ۱۰ مینگ هکتار ایکینچیلیک ییر یوق بولگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اوشبو نهاد ایران و پاکستان دن افغانستان‌لیک قاچقین‌لر قیتیشی گه اشاره قیلیب، افغانستان نینگ جنوب و جنوب شرقی منطقه‌لریده آزیق-آوقت خوفسیزلیگی دوام تاپیشی ممکن دیب آگاه‌لنتیرگن.
عین‌حالده، ایکینچیلیک، سوغاریش و چاروه‌چیلیک وزیرلیگی مسئوللری، حاضر سۉنگی کون‌لرده‌گی سوو تاشقینی طفیلی نقصان کورگن عایله‌لر گه یاردم بیریش جریانی دوام تاپماقده‌لیگینی بیلدیرگنلر.
اوشبو وزیرلیک سۉزلاوچیسی مصباح‌الدین مستعین گه کوره، دستلبکی یاردم‌لر توزیع بولیش جریانی یکونیدن سۉنگ، سوو تاشقین‌لری باعث بوزیلگن ایکینچیلیک ییرلرینی تېکشیریش جریانی باشلنه‌دی.
اونینگ کوپه‌یتیریشیچه: «حاضر دستلبکی یاردم‌لر کورسه‌تیلماقده بو یاردم‌لر یکونلنمه‌گونچه قنچه ییر بوزیلگنی و ایکین‌لرنی تېکشیره آلمه‌یمیز.»
ایتیش کېره‌ک بوندن آلدین بیرلشگن ملتلر تشکیلاتی خلق‌ارا آزیق-آوقت دستوری، افغانستان ده سوو تاشقین‌لری عاقبت‌لرینی باشقریش اوچون ۱۴ میلیون دالر کېره‌ک‌لیگینی اېتگن اېدی.
