مملکت ده سونگی سیاسی اوزگریش باعث میدیالر فعالیتی توخته‌ماقده ایکن، ینگی‌لیکده هرات ده «ترقی تلویزیونی» و بلخ ده «نهاد رادیوسی»، اقتصادی قیینچیلیک باعث فعالیت‌لرینی توخته‌تگنلر.
اولر ارا دوشنبه کونی، ۲۶ سرطان، فعالیتی توخته‌شی معلوم قیلینگن ترقی تلویزیونی دیر که ایشلاوچیلری نینگ بیر مقدار آی‌لیگینی توله‌مه‌گن.
ترقی تلویزیونی نینگ خبرچیسی و تولیدی بولیمی مدیری زلمی عزیز، مذکور تلویزیون فعالیتی توختهلیشینی تصدیقلب سلام‌وطندار گه ایتیشیچه: «تأسف بیلن دفتر اقتصادی قیینچیلیک باعث یاپیلدی، ایشلاوچیلر نینگ آی‌لیگی توله‌نگنی یوق اوزیمنی ایکی آی‌لیک حقوقیم قالگن، مسئله نی حمایت قیلووچی نهادلر بیلن شریک قیلدیک تأسف بیلن حاضرگچه هیچ بیر عملی ایش بولگن یوق.»
بیزلرنینگ فیسبوک صحیفه‌میزگه باش اورینگ!
شونینگدیک، اوتگن هفته بلخ ده خصوصی نهاد رادیوسی، اقتصادی قیینچیلیک باعث فهالیتینی توخته‌تگن ایدی.
مذکور میدیا فعالیتی توخته‌لیشی بیلن ییتتی عیال شامل چمه‌سی ۲۵ ایشلاوچیسی ایش‌سیز بولگن.
اوشبو رادیو ایشلاوچیلریدن محمدباقر نینگ ایتیشیچه، مذکور رادیو فعالیتی توخته‌لیشی بیلن ایش‌سیز بولیب و اقتصادی قیینچیلیک بیلن روپه‌ره بولگن.
او نینگ کوپه‌یتیریشیچه: «حاضر بیکار من اقتصادی قیینچیلیک حلی اوچون مناسب ایش قیدیریب یوریب من.»
عین‌حالده، سرپرست حکومت معلومات و مدنیت وزیرلیگی، سونگی کون‌لرده قطار میدیالر اقتصادی قیینچیلیک باعث فعالیت‌لرینی توخته‌تگنینی تصدیقله‌یدی.
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر، سلام‌وطندار بیلن اوتکزگن صحبتیده، سونگی کون‌لرده فعالیت‌لرینی توخته‌تگن میدیالر سانی حقیده ایضاح کیریتمسه ده، بیراق قطار میدیالر فعالیتی توخته‌شی بیلن، باشقه بیرقطار میدیالر فعالیت جوازینی آلگنینی معلوم قیله‌دی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «بیر قطار میدیالر اقتصادی قیینچیلیک باعث فعالیت‌لرینی توخته‌تگن، شونینگدیک باشقه بیر قطار میدیالر فعالیت جوازینی آلگن، اسلام امیرلیگی حاکمیتیدن حاضرگچه ۲۰ و ۲۵ رادیو فعالیت گه باشله‌گن.»
عین‌حالده، اولکه ده‌گی میدیالر اقتصادی قیینچیلیککه علاوه اطلاعات گه قول تاپیش و زوردن سانسور قیلیش قیینچیلیگی بیلن روپه‌ره دیر.
