اسلام امیرلیگی تشقی ایشلر وزیری امیرخان متقی، عمان تشقی ایشلر وزیری بدر بن حمد البوسعیدی بیلن تلیفونی صحبت قیلگن.
تشقی ایشلر وزیرلیگی، اوتگن کون کیچ قورون (۱۷-جدی، چهارشنبه)، اکس صحیفهسیده بیر بیانیه آرقهلی یازیشیچه، اسلام امیرلیگی و عمان تشقی ایشلر وزیرلری ایکی تامانلمه مناسبتلر همده تجارت، تزانزیت و آلیش-بیریش بولیملریده همکارلیکلر کوچهیشی توغریسیده صحبت قیلگنلر.
بیانیهده کیلیشیچه، امیرخان متقی اسلام امیرلیگی و عمان آرهسیدهگی یوقاری سطح اوچرهشوولری و مصلحتلرنی فایدهلی بیلیب و البوسعیدیدن، افغانستان گه سفر قیلیشی اوچون دعوت قیلگن. «متقی عمان تشقی ایشلر وزیریدن مناسب زمانده کابل گه سفر قیلیشی اوچون دعوت قیلگن.»
عمان تشقی ایشلر وزیرینینگ کوپهیتیریشیچه، مناسب بیر زمانده کابل گه سفر قیلیب و ایکی تامانلمه همکارلیکلر رواجلنیشی توغریسیده فایدهلی صحبتلر قیلیشی ممکن.
اسلام امیرلیگی اوتگن تورت ییلده، عمان بیلن یقین مناسبتی بولیب و سیاسی، اقتصادی و آلیش-بیریش علاقهلری کوچهیشی اوچون کابل دن هیئتلر عمان گه سفر قیلگن.
