افغانستان شمال‌شرقی ده جایلشگن تخار، آلتین منبع‌لری گه ایگه ولایت دیر؛ بیراق اوشبو ولایت ده آلتین کانی ناقانونی روشده قازیب چیقریلماقده. آمو و کوکچه دریالری نینگ قیرره‌لری کیچیک آلتین منبعی حسابلنه‌دی، بوییرلرده مینگلب آدم، قوللریده‌گی امکانیت بیلن ناقانونی روشده آلتین قازیب چیقریش ایشی بیلن مصروف دیر.
تخار یشاوچیسی امیرمحمد نینگ ایتیشیچه، قویاش چیقیشی بیلن بیل‌وکلنگینی آلیب اوی دن چیقیب، مذکور ولایت ده کوکچه دریاسی قیرره‌لریدن آلتین قازیب چیقریش اوچون ییرنی قازیش گه باشله‌یدی. اونگه کوره، بیر کون ده ۵۰۰ یا ده ۶۰۰ افغانی درآمد قیلیشی ممکن.
بیزلرنینگ فیسبوک صحیفه‌میزگه باش اورینگ!
امیرمحمد نینگ سلام‌وطندار گه ایتیشیچه: «بوییرده هیچ قنده‌ی فابریکه یوق، شونی اوچون برچه اهالی آلتین قازیب چیقریش گه یوز کیلتیرگن، زرشویی‌لیک بولمسه، کمبغل عایله‌لر قیش ساوویغیده تلف بولیش‌لری ممکن.»
امیرمحمد نینگ ایتیشیچه، بعضی وقت‌لر زرشوی‌لردن قطاری آلتین قازیش پیتیده ۲۵ متر چقورلیک آستیگه قالیب هلاک بوله‌دی. اونگه کوره، مذکور ولایت ده هر ییلی قریب ۱۰۰ کیشی اوشبو یول ده قربان بوله‌دیلر.
بوندن آلدین، تخار ده خصوصی شرکت‌لر زرشوی‌لیک بیلن مصروف ایدیلر، مسئوللر نینگ ایتیشلریچه، مذکور شرکت‌لرده تخیمناً ۱۴۰ کیشی ایش بیلن مصروف ایدیلر.
تخار ده زرشویی‌لیک شرکت‌لردن بیری نینگ مسئولی حبیب‌الرحمان گه کوره، زرشویی‌لیک شرکت‌لر فعالیتی توخته‌شی باعث، مذکور شرکت‌لر مالی زیان کوریشگن.
اونینگ سلام‌وطندار گه ایتیشیچه: «حاضر ۱۶۰ اسکواتور آلتین قازیب چیقریش ایشی بیلن مصروف، هر بیری ده ۳۲ و ۴۰ کیشی ایشله‌یدی، حاضر تخمیناً ۴۵ مینگ کیشی ایش‌سیز دیر.»
بیزلرنینگ توییترده هم تعقیب قیلینگ!
تخار مسئوللری گه کوره، اوشبو ولایت ده آلتین کانی ناقانونی روشده قازیب چیقریلیشی باعث، زرشویی‌لیک شرکت‌لر نینگ فعالیتینی وقتینچه‌لیک توخته‌تیشگن.
تخار کان‌لر باشلیغی عبدالناصر حقانی نینگ ایتیشیچه: «تخار ده کانچیلر مسلکی بولمسلیگی باعث کان‌لر وزیرلیگی تامانیدن توخته‌تیلگن، حاضر ریجه تیارلنیب و اقتصاد شوراسی گه یوللنگن، اقتصاد شوراسی تامانیدن امضالنگندن سونگ زرشویی‌لیک شرکت‌لر، قرارداد گه تاپشیریلیشی ممکن.»
ییل‌لردن بویان تخار ده آلتین کانی ناقانونی و اوز باشیمچه‌لیک روشده قازیب چیقریلیب و انده_سنده ایشلاوچیلر توپراق آستیگه قالیب قربان بولیشماقده دیر.