اوتمیش ییل‌لر ده اهالی قربان هییت بیرمی دن اوچ_تورت کون آلدین قربانلیک آلر ایدیلر، بیراق کابل یشاوچیلری نینگ ایتیشلریچه، بو ییل اقتصادی قیینچیلیک باعث قربانلیک آلیش توان‌لری یوق.
کابل یشاوچیلریدن بیری نینگ ایتیشیچه: «پول بولسه قربانلیک آلسک و پول بولمه‌گنده نیمه بیلن آله‌یدیک.»
اوتمیش ییل‌لرده قربان هییت بیرمی ده بیر هفته قالگچ، چاروالر کابل شهری نینگ تورلی سرک‌لری ده کوریلر ایدی و آدم‌لر ایسه توپلم_توپلم شکلده چاروا ساتیب آلیش اوچون بارر ایدیلر، بیراق بو ییل شهر سرک‌‌لریده اصلا چاروا کوریلمه‌یدی.
بیزلرنینگ فیسبوک صحیفه‌میزگه باش اورینگ!
عین‌حالده، کابل شهری ده چاروا ساتووچیلردن قطاری نینگ ایتیشلریچه، اوتمیش ییل گه نسبتن چاروالر نرخی آشگن و قیمت‌لر قریب ۴ مینگ دن ۵ مینگ گچه آشگن.
چاروا ساتووچیلردن گل‌محمد نینگ ایتیشیچه: «چاروا نرخی قیمت بولگن و ساتیش کمه‌یگن. کوره‌یلیک الله تامانیدن نیمه بوله‌دی. ساتیش آز دیر و قیمت‌لیک کوپه‌یگن و آدم‌لر نینگ پولی یوق.»
عین‌حالده، کابل بلدیه مسئوللری نینگ ایتیشلریچه، اولر شهرنی تازه‌لش اوچون چاره تدبیر کورگنلر.
کابل بلدیه سوزلاوچیسی وسی‌الله گه کوره، اهالی اوز قربان‌لیکلرینی سویش اوچون ۵ محل تعینلنگن و اولکه یشاوچیلری بو توغریده دقتلی بولیش‌لری کیره‌ک.
بیزلرنینگ توییترده هم تعقیب قیلینگ!
کابل بلدیه سوزلاوچیسی وسی‌الله نینگ ایتیشیچه: «شارواللیک اداره‌سی اهالی دن، قربانلیک اوچون توپراقلی ییرلردن قوللنیب و ییرنی یریم متر قازیب و قربانلیک سویلیشیدن کیین قازیلگن ییرنی قیته‌دن توپراق بیلن تولدیریش‌لرینی سوره‌یدی.»
کابل بلدیه مسئوللری نینگ کوپه‌یتیریشیچه، قربان هییت کون‌لریده اهالی اوچون شهر نینگ تورلی منطقه‌لریده اخلت سطل‌لری قوییلگن و شهردارلیک اوشبو اخلت سطل‌لرینی وقتیده بوشه ته‌دی.
