اسلام امیرلیگی تامانیدن عیاللر گه یره‌تیلگن چیکلاو‌لر نینگ سلبی عاقبتی گه دایر خلق‌ارا نهادلر نینگ هشدار‌لریدن کیین، بیرلشگن ملتلر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا) نینگ ایتیشیچه، افغانستان میلادی اوشبو ییل ده ۴ میلیارد ۶۰۰ میلیون دالر انسان‌پرورلیک یاردم گه نیازمند دیر.
اوچا گه کوره، دستلب ۲۸ میلیون۳۰۰ مینگ افغانستان یشاوچیسی انسان‌پرورلیک یاردم گه نیازمند دیر.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچیسی عبدالرحمان حبیب، مملکت‌ده قشاق‌لر سانی کوپه‌یشینی تصدیق‌لب ایتیشیچه، بیرلشگن ملتلر تشکیلاتی نینگ افغانستان ده بشری وضعیت حقیده‌گی معلوماتی و گزارش‌لری حکومت تامانیدن تصدیق‌لنمه‌گن.
اونینگ سلام‌وطندار گه ایتیشیچه: «تشقی نهادلر تامانیدن ترقه‌لگن معلومات‌لر، بوتوغریده ایشله‌گن دفترلر و تشکیلات‌لر نینگ معلوماتی دیر. بو رقم رسمی و ایشانچلی ایمس، بیز بونی تصدیقلمه‌ی میز. اقتصادی تحلیل‌لر گه قره‌گنده، اوتگن ییل‌لر گه نسبتن ۲۰۲۳_ییل ده اقتصادی وضعیت یخشی‌لنگن.»
باشقه تاماندن، بیلیم یورتی اوقیتووچیسی و اقتصادی تدقیقاتچی بهمن یوسفی گه کوره، اوچا و بیرلشگن ملتلر تشکیلاتی نینگ معلوماتی، انیق و حقیقت‌لر اساسیده دیر.
او نینگ کوپه‌یتیریشیچه: «بیرلشگن ملتلر تشکیلاتی، تیکشیرو و تحقیق دن کیین رقم حقیده معلومات بیره‌دی، خلق‌ارا تشکیلات‌لر هیچ زمان اوزلری آلدیدن و تیکشیرمسدن معلومات بیرمه‌یدیلر. ۲۰۲۳_ییل ده یخشی ریجه‌لریمیز بولمسه، اینیقسه خاتین قیزلر نینگ ایشی و تحصیلی خصوصیده دقت قیلمه‌سک، قیینچیلیک بیلن روپه‌ره بولیشیمیزنی اویله‌ی من.»
بیزلرنینگ توییترده هم تعقیب قیلینگ!
شو بیلن بیرگه، اقتصادی ایش بیلرمان تاج‌محمد تلاش نینگ ایتیشیچه، اوچا نینگ معلوماتی، احتمالی دیر.
اونگه کوره: «اوچا نینگ گزارشی یا ده معلوماتی احتمالی دیر. کوپچیلیک ایمس بلکه آزچیلیک قشاق‌لیک ده حیات کیچیریش معناسیده دیر. اقلیت، ایکی_اوچ میلیون کیشی آغیر اقتصادی قیینچیلیک بیلن روپه‌ره لیگینی افاده قیلهدی.»
عین‌حالده، اسلام امیرلیگی حاکمیتیدن کیین، افغانستان بویلب قشاق‌لر سانی کوپه‌یب و انسان پرورلیک یاردم‌لر گه نیازمندلیک‌لر آشگن، ایچکی و خارجی نادولتی مؤسسه‌لرده عیاللر نینگ ایشی توخته‌تیلیش دوامی، اوشبو قیینچیلیک‌لرنی نیچه برابر آشیرگن.
