بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، گه کوره، بو مملکت یشاوچیلریدن قطاری حاضرگچه دستلبکی طبی خذمتلردن فایدهلنه آلمهیدی.
بو نهادنینگ بوگون (۸-ثور، سهشنبه)، اکس صحیفهسیده یازیشیچه، شریکلری بیلن بیرگه اینگ جبرلنهدیگن کیشیلرگه ساغلیقنی سقلش خذمتلرنی کورستماقده.
بوندن آلدین، بیرلشگن ملتلر تشکیلاتینینگ بالهلرنی قوللب-قوتلاوچی صندیغی، توقیز میلیون ۵۰۰ مینگ کیشینینگ دوالنیش خذمتلریدن فایدهلنه آلمهیدیگن جایلرده حیات کیچیریشلرینی معلوم قیلگن ایدی. شونینگدیک بو نهاد، بوگون هم بیر گزارش ترقهتیش بیلن، ۲۰۳۰-ییلگچه افغانستاننینگ ۲۵ مینگ ساغلیقنی سقلش ایشلاوچیلری و اوقیتووچی کملیگی بیلن روپهره بولیشی ممکن دیب آگاهلنتیردی.
