اسلام امیرلیگی ساغلیقنی سقلش وزیرلیگی ایکس صحیفهسیده بیر بیانیه ترقهتیب، بو وزیرلیک سرپرستی نورجلال جلالی ایران گه قیلگن سفری دایرهسیده بو مملکتنینگ ساغلیقنی سقلش وزیری محمدرضا ظفر قندی بیلن اوچرهشگنیدن خبر بیرهدی.
بو وزیرلیک سۉزلاوچیسی شرافت زمان گه کوره، جلالی جنابلری تهران گه قیلگن سفری دایرهسیده ایران ساغلیقنی سقلش وزیری و بو مملکتنینگ بقیهالله کسلخانهسی و بیلیم یورتی مسئوللری بیلن اوچرهشگن.
اونینگ ایتیشیچه، مملکت ساغلیقنی سقلش وزیرلیگی سرپرستی اوشبو اوچرهشووده، طبی تجربهلر شریک اېتیلیشی، افغانستانده طبیات خادملرینینگ ظرفیتی آشیریلیشی و ساغلیق خذمتلری یخشیلنیشی گه تأکیدلهگن. «اوچرهشووده، ساغلیقنی سقلش بوییچه تجربه المهشیش، طبیات خادملری ظرفیتینی آشیریش و ساغلیقنی سقلش خدمتلرینی کېنگهیتیریش مسئلهلری محاکمه قیلیندی، نورجلال جلالی ایران گه قیلگن سفری دوامیده اوشبو مملکتنینگ بقیهالله شفاخانهسی و بیلیم یورتی مسئوللری بیلن هم اوچرهشیب، ساغلیقنی سقلش ساحهسیده تجربه المهشیش و افغانستان طبیات خادملرینینگ ظرفیتینی آشیریش بارهسیده صحبتلشدی.»
بیزلرنینگ فیسبوک صحیفهمیزگه باش اورینگ!
زمان جنابلرینینگ کوپهیتیریشیچه، بو وزیرلیک ایچکی امکانیتلر و تشقی مملکتلرنینگ یاردملریدن فایدهلنیب افغانستان ساغلیق کادرلری ظرفیتلرینی آشیریب و مملکتدهگی ساغلیق تخصصی خذمتلرنی مستحکملش گه سعی-حرکت قیلماقده.
شو بیلن بیرگه، طبیات ایشلری بوییچه بیلرمانلر، قۉشنی و دنیا مملکتلرنینگ یاردمی بیلن افغانستانده طبیات بولیمیدهگی معمالر و بوشلیقلرنی حل قیلیش ممکن دیب ایشانهدیلر.
ساغلیقنی سقلش وزیرلیگینینگ سابق معینی فدامحمد پیکان، مملکتلرنینگ یاردمی بیلن افغانستانده ساغلیق خذمتلرنی یخشیلش ممکن دیېدی. «تخنیک و مسلکی ادارهلرنینگ ظرفیتینی آشیریش-اوزلوکسیز بیر جریان دیر، و بو مسئله ساغلیقنی سقلش ساحهسیده هم نهایت مهم سنلهدی. افغانستاننینگ قۉشنی مملکتلریده طبی کدرلر ملکهلیراق بولگنی سببلی، افغانستاندهگی مرکب حالتدهگی بیمارلر دوالنیش اوچون عینن شو مملکتلر گه یوباریلماقده.»
بیزلرنینگ «ایکس» ترماغی ده هم تعقیب قیلینگ!
کابل دولت کسلخانهلریدن بیریده متخصص شفاکار فریدالله گه کوره، طبی خذمتلر یخشیلنیشی و طبیات مرکزلرنی کوپهیتیریش اوچون مملکتلر جملهدن قۉشنیلرنینگ یاردمی اساسی نیاز دیر. «ساغلیقنی سقلش ساحهسیدهگی معمالرنی حل قیلیش فقط افغانستان زمهسیده اېمس. بو بارهده باشقه دولتلر و خلقارا همجمعیت هم افغانستان بیلن همکارلیک قیلیشی ضرور. طبیات ساحهسیدهگی رسمیلریمیزنینگ تشریفلری اوشبو دولتلرنینگ ساغلیقنی سقلش خادملرینی رواجلنتیریش، شفاخانهلرنی قۉللب-قوتلش و طبی تدقیقاتلرنی سوریش بوییچه یاردم و یاردمینی جلب اېتیش گه خذمت قیلیشی ممکن. بو اېسه افغانستانده ساغلیقنی سقلش خذمتلرینینگ تکامللشووی و صفت آشیشیگه سبب بولهدی.»
ساغلیقنی سقلش وزیرلیگی سرپرستی، قویاش ۱۴۰۴-ییل، ۲۰جوزا، تهران گه بارگن و بو وزیرلیک مسئوللرینینگ ایتیشلریچه، بو سفر نیچه کونگچه دوام اېتیشی ممکن.
