بامیان ولایتیده‌گی محلی منبع‌لر، بوگون (دوشنبه، ۲۱ سنبله) اوشبو ولایت ورس تومنی نینگ ثبت احوال نفوس مدیری، یاش بیر عیال بیلن نامشروع رابطه‌سی بولگنیدن خبر بیرگنلر.
منبع‌لر گه کوره، اوتگن کون (یک‌شنبه، ۲۰ سنبله) بامیان ولایتی ورس تومنی نینگ ثبت احوال نفوس مدیری سیدمحمد حسین مرتضوی بهشتی، اوشبو تومن نینگ «تگاب‌غار» قیشلاغیده بیر یاش عیال بیلن نامشروع رابطه‌سی بولگنی اوچون اویی ده بارگن ایکن که مذکور عیال نینگ تاغه‌سی شامل قیشلاق ایرکک‌لری موضوع دن خبر بولیب و اولر نینگ اوستیگه هجوم قیلگنلر.
بیزلرنینگ فیسبوک صحیفه‌میزگه باش اورینگ!
محلی بیر منبع اسمی سر قالیش شرطی بیلن سلام‌وطندار گه ایتیشیچه، سیدمحمد حسین مرتضوی بهشتی، قیشلاق ایرکک‌لری اولر اوستیگه ییتیب کیلمسدن آلدین قاچگن، لیکن عیال تاغه‌سی تامانیدن پیچاقلنگن.
منبع گه کوره، اوشبو یاش عیال درمان اوچون ورس تومنی کسلخانه‌سیگه انتقال بیریلگن و ساغلیک وضعیتی آغیر دیر.
باشقه بیر منبع اوشبو واقعه‌نی تصدیقلب ایتیشیچه، ورس تومنی ثبت احوال نفوس مدیری، واقعه دن کیین مذکور عیال بیلن وقتینچه‌لیک نکاح باغله‌گنینی ادعا قیلگن.
بیزلرنینگ توییترده هم تعقیب قیلینگ!
جعفری فقه اساسیده، عیال نینگ ایری اولگن و یا طلاق بولگن بولسه، «صیغه» گه مشهور وقتینچه‌لیک نکاح، دین عالمی نینگ تصدیقی، عیال و ایرکک نینگ رضایتی بیلن جائز دیر.
بامیان محلی مسئوللری، بوتوغریده حاضرگچه هیچ نرسه دیمه‌گنلر.
