نیمروز یشاوچیلریدن قطاری اوشبو ولایت نینگ ایسیق هواسیده، تیریکچیلیک مقصد ایرتنگ‌دن آخشم‌گچه ایکینچیلیک ایشلری بیلن شغللنگنلر؛ بیراق مذکور ایکینچیلردن قطاری سوو تنقیص‌لیگی و مسئوللر نینگ توجه‌سیزلیگی‌دن شکایت قیلیب و ایتیشلریچه، سوو تنقیص‌لیگی حیات کیچیریش نی اولرگه قیین قیلیب و ایکین‌زارلری گه ضرر ییتیشتیرگن.
نیمروز ده‌گی ایکینچیلردن بیری غلام‌سرور نینگ ایتیشیچه، ییل‌لردن بویان سوو تنقیص‌لیگی سبب ضرر کورگن. اونینگ کوپه‌یتیریشیچه: «بیزلر دهقان‌میز؛ تورت ییل‌دن بیری ضرر کوره‌من. قاوون، تربوز، بوغدای و ارپه ایکه‌میز، هر ییل ضرر کوره‌میز. سوو یوق، حیات کوپ قیین اوته‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک ۵۰ یاشر محمد میرزایی، سوو تنقیص‌لیگی‌دن شکایت قیلیب و ایتیشیچه، بو ییل هم بوغدای ایکین‌زارلریدن آز حاصل قولگه کیلتیرگن.
باشقه بیر تاماندن، نیمروز ولایتی خاشرود تومنی یشاوچیلریدن غلام‌سخی تیموری، سوودن فایده‌لنه آلمسلیک‌دن شکایت قیلیب و ایتیشیچه، اهالی چقور قودوق قازیش گه کوچی ییتیشمه‌یدی و هر کونی سوو سطحی قویی کیتماقده.
اونینگ کوپه‌یتیریشیچه: «منطقه‌میزده ۴۰-۵۰ ته چقور قودوق بار. اهالی برمه قودوق نینگ توشیریش و نیازی بولگن سوو نینگ تامین‌لش گه کوچی ییتیشمه‌یدی. بیزلر گه یاردم بیرسینلر؛ یخشی تکلیف بیرسینلر؛ بیزلر گه انجینیر بیرسینلر. حاضرگچه هیچ کیم بیزلر گه یردم بیرمه‌گن.»
مذکور ایکینچیلر اسلام امیرلیگی سرپرست حکومتی و نهادلردن، سوو تنقیص‌لیگی قیین‌چیلیگی حلی اوچون تیزلیککه سعی‌وحرکت قیلیشلرینی ایسته‌گنلر.
باشقه بیر تاماندن، نیمروز ده سوو ایش بیلرمانلردن قطاری، چقور قودوق قازیلیشی، سوو توغانلری قوریلیشی و نیاز بولگن چاغیده کمال‌خان توغانی سووی نینگ قوییب یوباریلیشی نی، اوشبو ولایت‌ده‌گی ایکینچیلر نیازی خصوصیده سوو تامین‌لنیشی اوچون حل یول بیله‌دیلر.
نیمروز ده سوو ایش بیلرمانلریدن بیری ذبیح‌الله ولی‌‌‌زاده نینگ سلام‌وطندار گه ایتیشیچه: «کنترولی توغانلر کوپراق قوریلسین؛ ایکینچیلر نیازی وقتی‌ده کمال‌خان توغانی سوو قوییب یوباریلسین. باشقه بیر موضوع بو دیر که دلارام، خاشرود و زرنج تومن‌لریده سوو شیرین؛ لیکن کوپ کمه‌یگن و چقور قودوقلر نینگ قازیلیشی کیره‌ک که اهالی چقور قودوق قازیش گه کوچی ییتیشمه‌یدی. انه شوو سبب، ایکینچیلر حکومت یا-ده نهادلر تامانیدن حمایت بولسه و بو زمینه اولر گه یره‌تیلسه که اولر ییر آستی سوولردن قوللنسه‌لر.»
بیزلرنینگ فیسبوک صحیفه‌میزگه باش اورینگ!
عین حالده، نیمروز دریاسی نینگ فرعی حوزه‌سی باشیغی عبدالقهار ناصر، اوشبو ولایت‌ده سوو تنقیص‌لیگی بحرانی نی تصدیق‌لب ایتیشیچه، سونگی هفته‌لرده مذکور ولایت مرکزی و بیر قطار منطقه‌لریده کمال‌خان توغانی سووی وقتینچه‌لیک شکلده قوییب یوباریلگن و ایکینچیلر نینگ سوو کم‌لیگی خصوصیده‌گی قیین‌چیلیگینی بیراز حل قیلگن.
کمال‌خان توغانی قوریلیشی بیلن، نیمروز ده‌گی ایکینچیلر نینگ سوو کم‌لیگی قیین‌‌چیگی حل بولیشی گه قرار آلینگن ایدی؛ لیکن مذکور توغان نینگ قوریلگنی‌دن نیچه ییل اوتگنی بیرحالده، حاضرگچه بو ولایت‌ده‌گی ایکینچیلر سوو تنقیص‌لیگی قیین‌چیلیگی بیلن روپه‌ره بولیب و ایکینچیلر نینگ ایکین‌زارلری اورته‌دن کیتماقده.
