نیمروز مسئوللری و محلی منبع‌لر نینگ ایتیشلریچه، اوشبو ولایت ده اوتگن بیر هفته ده ساووق و بوران طفیلی بنگی‌وار ماده‌لر گه چلینگن ۳۲ معتاد، بیر عیال و بیر باله شامل ۳۴ کیشی هلاک بولگن.
بیر منبع اسمی سر قالیش شرطی بیلن سلام‌وطندار گه ایتیشیچه، مذکور ولایت ده هوا ساووق‌لیگی طفیلی هلاک بولگنلر سانی ۲۷ کیشی دن ۳۴ کیشی گه ییتگن. منبع گه کوره، هوا ساووق بولیشی دستلبکی کون‌لریده، ۲۵ معتاد، بیر کیکسه عیال و بیر باله قربان بولگنلر.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، اوشبو ولایت ده هوا ساووق‌لیگی باعث، ۲۵۰۰ چاروه تلف بولگن.
باشقه تاماندن، زرنج بلدیه مسئوللری نینگ ایتیشلریچه، اوتگن بیش کون ده اولر نینگ تیم‌لری نیمروز مرکزی زرنج شهری ده بنگی‌وار ماده گه چلینگن ۳۲ معتاد نینگ جسدینی تاپگنلر.
زرنج بلدیه مسئوللری دن بیری، اسمی سر قالیش شرطی بیلن سلام‌وطندار گه ایتیشیچه، اولر اوشبو شهر امنیتی حوزه‌لری نینگ اویغون‌لیگی بیلن، قطار معتادلرنی توپلب و مخصوص مکان گه انتقال بیرگنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «بیز هر کیچه ۱۵۰۰ معتاد گه آوقات بیره‌میز و اولر تلف بولمسلیگی اوچون مخصوص مکان نظرگه آلینگن.»
طبیعی آفت‌لرنی باشقریش بوییچه دولت وزیرلیگی نینگ معلوماتی اساسیده، اوتگن ۱۰ کون ده نیمروز شامل قطار ولایت‌لرده ۷۰ دن آرتیق کیشی قربان بولگن.
