افغانستان نینگ پاکستان پایتختی اسلام‌آباد ده‌گی ایلچیخانه‌سی گه کوره، بیر هفته دن بېری بیرقطار کیشی‌لر افغانستان نینگ سوداگرلیک توارلرینی پاکستان نینگ خیبر منطقه‌سیده توخته‌تگنلر.
اوشبو ایلچیخانه ۷-سنبله، چهارشنبه کونی کیچ قورون ایکس صحیفه‌سیده بیر بیانیه ترقه‌تیب، افغانستان نینگ تازه میوه و سبزه‌وات یوکله‌گن قریب ایکّی مینگ کامیونی بیر هفته دن بېری توخته‌تیلگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
افغانستان نینگ اسلام‌آباد ده‌گی ایلچیخانه‌سی گه کوره، افغانستان سوداگرلیک توارلری توخته‌تیلیشی بو مملکت سوداگرلری گه میلیون‌لرچه دالر نقصان یېتکیزگن.
افغانستان نینگ اسلام‌آباد ده‌گی ایلچیخانه‌سی نینگ بیانیه‌سی اساسیده، بوتوغریده نیچه مراتبه پاکستان رسمی‌لری بیلن اوچره‌شیب مذاکره قیلگنلر؛ لېکن بو مذاکره‌لر حاضرگه قدر نتیجه بیرمه‌گن.
افغانستان نینگ اسلام‌آباد ده‌گی ایلچیخانه‌سی، پاکستان دولتیدن افغانستان‌لیک سوداگرلر نینگ توارلری توخته‌تیلیش معمانی حل قیلیش اوچون سعی-حرکت قیلیشینی اېسته‌گن.
بیزلرنینگ «ایکس» ترماغی ده هم تعقیب قیلینگ!
بیانیه ده کېلیشیچه، افغانستان نینگ اسلام‌آباد ده‌گی ایلچیخانه‌سی افغانستان‌لیک سوداگرلر نینگ توارلری توخته‌تیلیش معمانی حل قیلیش اوچون پاکستان بیلن هر قنده‌ی همکارلیک قیلیش گه تیار دیر.
افغانستان نینگ پاکستان بیلن بیش چېگره‌سی بار که افغانستان نینگ صادرات و وارداتی اوچون کلیدی یوللردن سنله‌دی؛ بیراق پاکستان سۉنگی ایکّی ییلدن کوپراق ده ایریم بهانه‌لر سبب بو یوللرنی باریب-کېلیش اینیقسه افغانستان‌لیک سوداگرلر نینگ توارلرینی انتقال بیریش یوزی گه یاپگن.
