ناتو باش کاتبی ینس استولتنبرگ مملکت جمهوررئیسی محمداشرف غنی بیلن تلیفونی صحبت اوتکزیب ایتیشیچه، ناتو گه اعضا مملکتلر افغانستان تینچلیک پروسه‌سی یوتوققه ایریشیشی اوچون فعال دیپلوماسیدن قوللنه‌دی. اونگه کوره، ناتو نینگ ترورچیلیککه قرشی کوره‌ش اوچون افغانستان امنیتی کوچلریدن حمایتی دوام تاپه‌دی.
جمهوررئیس‌لیک سرایی بیر خبرنامه ترقه‌تیب یازیشیچه، بوگون (جمعه ۱- حوت) استولتنبرگ جمهوررئیس غنی بیلن تلیفونی صحبت اوتکزگن. ناتو باش کاتبی مذکور تشکیلات گه اعضا مملکتلرنینگ مدافعه وزیرلری نی ییغینی توغریسیده جمهوررئیس غنی گه معلومات بیریب و ایکی تامان تینچلیک پروسه‌سی و مذکور تشکیلات افغانستان امنیتی کوچلردن دایمی حمایت قیلیشی خصوصیده بحث قیلگن.
ارگ نینگ خبرنامه‌سی اساسیده، ینس استولتنبرگ افغانستان قیینچلیگی تینچ بیر شکلده حل ایتیلیشی اوستیگه اورغولب و شونینگدیک افغانستان ده دایمی و عزتلی بیر تینچلیک دن حمایتی نی اعلام قیلگن.
خبرنامه نینگ کوپه‌یتیریشیچه، استولتنبرگ افغانستان ده زوروانلیکلر میزانی یوقاری کیتگنی توغریسیده اوز خواطری نی بیلدیریب ایتیشیچه، ناتو تشکیلاتی گه اعضا مملکتلرنینگ یاردمی شرطلی دیر و بو حقده یقییندن آمریکا بیلن اویغونلیک قیلیشی ممکن.
ناتو باش کاتبی آمریکا و ناتو کوچلری افغانستان دن چیقیشی توغریسیده ایتیشیچه، بو حقده مصلحت‌لرنی دوامی بار و حاضرگچه بو توغریده قرار آلینمه‌گن. اونینگ کوپه‌یتیریشیچه، دوحه کیلیشوونامه آمریکا دولتی تامانیدن تیکشیریلیشی نی دوامی بار.