جوزجان ولایتی مرکزی شبرغان شهریده، «افغانستان ده اوزبیک تیلی و ادبیاتینینگ اورنی» عنوانیده، بیلیم یورت استادلر، دین عالملری، شاعرلر، یازووچیلر، مدنیتسیورلر و یاشلردن قطارینینگ حضوری بیلن، اوزبیک تیلی ملی کونیدن نشانلنگن.
«طلوع سعادت» اسملی خصوصی بیلیم یورت تشبثی بیلن اوتکزیلگن اوشبو احتفالده نطق سوزلهگن کیشیلر، مملکتده اوزبیک تیلی تاریخی و فرهنگیگه اشاره قیلیب، آنه تیلینی اسرهش و رواجلنتیریش مسئلهسیگه استوار اهمیت قرهتیلیشینی تأکیدلهگنلر.
جوزجان بیلیم یورت استادی نورالله آلتاینینگ ایتیشیچه، اوزبیک تیلی مملکتنینگ اینگ قدیمی تیللریدن بولیب، افغانستان خلقینینگ علمی، ادبی و فرهنگی رواجلنیشیده بویوک اورینگه ایگه دیر.
شونینگدیک طلوع سعادت خصوصی بیلیم یورت اساسچیسی فیضالله حبیبی، بو کبی برنامهلر اوتکزیلیشینی آگاهیلیک کوپهیشی همده بو ولایتده ادبی قدریتلرگه اهمیت بیریش دیگن.
شوندهی بیرحالده، اوشبو احتفال گه شرکت قیلگنلردن قطارینینگ ایتیشلریچه، شاعرلر و یازووچیلر اثرلر یرهتیش بیلن تیل رواجلنیشیده مهم رول اوینهشلری ممکن.
ایتیلیشچه، مذکور احتفالده اوزبیکلر فرهنگیگه تیگیشلی اونلب قول صناعتی و بیر قطار کتاب هم نمایش گه قوییلگن.
