خبرچیلر ملی کونی بیلن بیرگه، کابل ده خبرچیلر و ییتکرمهلر مسئوللریدن قطارینینگ ایتیشلریچه، معلومات گه قول تاپیشنینگ چیکلنگنی بیلن ایش امنیتی یوقلیگی و اقتصادی قیینچیلیکلر بیلن روپهرهلر.
کابل دهگی خبرچیلردن صبور استانکزینینگ ایتیشیچه، حکومتی نهادلردن قطاری آرقهلی وقتیده معلوماتنینگ شریک بولمسلیگی، ایشلشنی اونگه قیینلشتیرگن. اونینگ کوپهیتیریشیچه: «معلومات وقتیده خبرچیلر اختیاریگه قوییلمهیدی؛ ساحهده هم قیینچیلیک بار؛ خبرچیلرنینگ خواطرجمعلیک بیلن ساحه گه باریشلری اوچون ییتکرمهلرگه هماهنگلیک بیر کمیته آچیلیشینی ایستهیمیز.»
خبرچیلردن باشقه بیری صدف یارملنینگ ایتیشیچه: «ایرکک خبرچیلرگه نسبت عیال خبرچیلر برابریده قیینچیلیکلر کوپ دیر. ایش و ساحه گه باریش چیکلاولری بار. عیال خبرچیلر اوچون سفر و ایش امکانیت یوقلیگی قیینچیلیگی بار.»
کابل دهگی تلویزیونلردن بیریده نیچه ییلدن بیری ایشلهیدیگن زیارمل هوتکینینگ ایتیشیچه، خبرچیلردن قطاری اقتصادی قیینچیلیکلر بیلن روپهره دیر و بو وضعیت غیرمستقیم شکلده اولرنینگ ییتکرمهلری فعالیتیگه تاثیر قویگن. «خبرچیلر اقتصادی قیینچیلیکلر بیلن روپهرهلر؛ خبرچیلردن قطاری ایشسیز بولیب، روحی و عایلهوی قیینچیلیکلر بیلن روپهره دیر. خلقارا تشکیلات و نهادلردن حقیقی شکلده افغانستانلیک خبرچیلر بیلن همکارلیک قیلیشلرینی سورهیمیز.»
ژوندون خصوصی تلویزونی مدیرمسئولی صفتالله امیدنینگ ایتیشیچه، خبرچیلر و ییتکرمهلرگه آسایشتهلیک یرهتیلیشی افغانستان دهگی ییتکرمهلر ایشی یخشیلنیشیگه سبب بوله آلهدی. امید گه کوره: «خبرچیلر موضوعلرنی انیق، تیز و طرفسیز شکلده اهالیگه انتقال بیریشلری کیرهک. ناتوغری و تصدیقلنمهگن خبرلرنی ترقهتمسلیک، بو کبی بیر وضعیتده ییتکرمهلرنینگ اینگ مهم قاعده-قانونینی دیر.»
مذکور خبرچیلر، اسلام امیرلیگیدن ییتکرمهلر فعالیتی برابریدهگی قیینچیلیکلر حل بولیشی و خبرچیلرنینگ قوللب-قوتلنیشینی سورهگنلر.
باشقه بیرتاماندن، اسلام امیرلیگی معلومات و مدنیت وزیرلیگی سوزلاوچیسی خبیب غفران، خبرچیلر و ییتکرمهلرنینگ قوللب-قوتلنیشیگه تاکیدلب و ایتیشیچه، اوتگن بیر ییلده ۵۱ ییتکرمه فعالیت جوازینی آلیب و باشقه ۴۵ ییتکرمهلرنینگ جوازی اوزهیتیریلگن. اونینگ کوپهیتیریشیچه: «برچه ییتکرمهلردن حمایت قیلهمیز و اولردن افغانستان ارزشلری و قاعدهسی اساسیده برنامهلرینی ترقهتیب و بو توغریده متعهد بولیشلرینی ایستهیمیز.»
بو بیلن بیرگه، افغانستان آزاد خبرچیلر بیرلشمهسی باشلیغی حجتالله مجددینینگ ایتیشیچه، سونگی بیر ییلده ۲۲۸ ییتکرمه ایشلاوچیسی، ییتکرمهلریدهگی اقتصادی قیینچیلیک سبب ایشلرینی قولدن بیرگنلر. «ییتکرمهلر فعالیتی دوام قیلگنی بیلن، اقتصادی قیینچیلیکلر سبب ییتکرمهلرنینگ ایشلاوچیلریدن قطاری بیر ییلده ۵۰۴۷ کیشیدن ۴۸۱۹ کیشیگه ییتیشگن و نتیجهده، ییتکرمه ایشلاوچیلریدن ۲۲۸ تهسی ایشلرینی قولدن بیرگنلر.»
۲۷-حوت، خبرچیلر ملی کونی گه تینگ. هر ییلی بو کوندن افغانستاننینگ تورلی ولایتلری اینیقسه کابل ده نشانلنهدی.
